بسم الله الرحمن الرحيم
يا مرحبا ياللي على البال هليّ
ترحيبة ريح الخزامى لشرواك
من صادق إحساسي تفوح وتهلي
بك يارفيق الحرف في صدق معناك
مرتني احروف القصيده وانا اللي
كلي ألم وشواق في عز ذكراك
قريتها وعيت اعيوني تملي
هذي علوم السالفه لا عدمنك
سود الليالي والظروف اوفقلي
عيت تفارقني على دور الأفلاك
ظرفٍ يقابلني وظرف ٍيولي
تعبت اداري بين هذا وهذاك
والله اعلم بالغلا مثل ظلي
لا غيت لحظه التفت لي وناداك
اقولها لك بالوفاء وإنت قلي
.ترى عيوني بين الأحلام تلقاك..!
تحيتي للجميع