المسأله ماهي بصف الحرف من بعده حـروف=المساله دفق الشعـور بشـط بحـر صافيـه
المسأله فكر وخيال ووصف يتعدا الوصـوف=والمسأله تسرق كحل من رمش عينٍ غافيـه
المسأله حرب وقتال بدون طعـن ولاسيـوف=والمسأله وش لـون تثبتهـا بـلاء النافيـه
واللي محاله ما تطوف أش لون تتركها تطوف=توطى على جمر الشعر وأقدام فكـرك حافيـه
الشعر ياغنج العروس اللي بفستان الهنـوف=الشعـر يابركـان يوقـد كـل نـارٍ طافيـه
الشعر ياشمس الضيا ماناوش أخيوطك كسوف=ياروح روحي بين عجز وشطر بيـت وقافيـه
الشعر ياكنز الفقير وقـوة إعيـال الضعـوف=الشعر يالبس الرضا لجـل القلـوب الوافيـه
الشعر ياملبس سنين كلهـا بفـتٍ وصـوف=الشعـر يامشعـل طريقـي بالسنيـن اللافيـه