طال شوقي والمواعيد مهجوره=والليالي طوّلت في مساريها
للذي من زايد الحسن مغروره=كم بتتغلى وقلبي يداريها
لو تغلّت تحفة الزين معذوره=مالها في حسنها من يجاريها
آيه والا اقول في حسنها سوره=صاغها الخلاّق واغلى مواريها
الشفايف توت والخد بنادوره=وعينها العوام تسحر دواريها
تلعب ابقلبي كما لعبة الكوره=باالخطر هزت شبك من يباريها
في هواها الروح تسعد ومسروره=يجلي الاوهام والحزن طاريها
عاذلي ما خذت رايه ولا شوره=لجل عذّال المحبه مكاريها
خاطري في حبها عايش(ن) دوره=اقتنى قلبي المحبه وشاريها
والفراق المُرّ ما نحتمل جوره=ماعلى دموع المحبه مشاريها
منه تغدي اقلوب الاحباب منجوره=ماتجف ادموعهم من مجاريها
ياحبيبي صفحة الشوق منشوره=بين كاتبها المعنّى وقاريها
والمعنى في هاجسي ذابت اسطوره=كيف اعاتب منك روحي واماريها
طاح سقف الحب ثم انهدم صوره=وجيوش الحب تعلن طواريها
منك روحي ياهوى الروح مقهوره=انت سبّة علّتي وانت باريها