18/10/2009, 09:38 AM
|
|
|
قلب الحزن ما هزته فرحة العيد
للحزن في صحراء جبيني تجاعيد
لو ضمني صدر الورق والكتابـه
.
قلب الحزن ما هزته فرحة العيـد
بالعكس زادت فيه هـم وكآبـه
.
يظمى ولا قـدام عينـه مواريـد
ولا بقى مـن حلمـه الا سرابـه
.
انا وحظـي والليالـي مقاريـد
والهم والأحزان صارو عصابـه
.
اكتب واحس ان القلم في يدي قيد
كني بليد احسـاس يـا للغرابـه
.
الحظ والدنيا مشت عكس ماريـد
والهم طوًق خافقي والتوى بـه
.
صحيح انا من نسل ناس أجاويد
ولي في عيون الناس قدر ومهابه
.
لو صدر يعقوب امتلى بالتناهيـد
يدري ان يوسف ما كلته الذيابـه
.
طال السهر والبعد يافرحة العيـد
بغفى على صدر الورق والكتابـه
|