ذبل غصن الكلام وحارت الأفكـار والترتيـب=وقف غصن المحبه والمصيبه كيـف ترتيبـه
هنا سيل الغمام ولا نزل يستوجـب الترحيـب=هنا صقر الجنـوب ولا تكفًيـه أي ترحيبـه
هنا السيف الحسام وحده الترغيب والترهيـب=ومع هذا عطوني شخص واحد شاف ترهيبـه
هنا طير السلام اللي منـه نتعلـم التهذيـب=وحتى لو نحاول مـا وصلنـا ربـع تهذيبـه
تعداه الملام وشرهـة اللـي جاهـلِ والعيـب=وتعدتـه الخطيًـه والـردى والـذل والعيبـه
شعوري غير واكبر من فقدنا شوفتك ياذيـب=عسى وادي الغلا والحب ما يفقد عوى ذيبـه
ترى بعض الخلايق ما فرق عندي يجي ويغيب=ولا ننشد عن الجيًه ولا ننشـد عـن الغيبـه
ولكن صقرنا ينبوع ينهـل بالوفـا والطيـب=يغيب ونفقد القلب الحنـون ونفقـد الطيبـه
هلا بك يابو أحمد والعذر لو يقصر الترحيـب=ذبل غصـن الكـلام ولا تكفيـك أي ترحيبـه