يامن رفعتم عن هوى الحب دعوى=سالتكم بالله لا تضلمونه
تقلون شوف الحب سوى وسوى=ونتم قسم بالله ما تفهونه
في شرعكم رزنامة الحب سلوى=متى اشبعت رغباتكم تشطبونه
والواجب انه دوم يكبر ويقوى=مع مرور الوقت تثبت ركونه
حتى الشجر لو ما شرب لين يروى=يموت ويموت الثمر في غصونه
الحب يبغي قلب صادق وتقوى=واذا طرا المحبوب زادت شجونه
وش ذنبه اللي جاه مالحب بلوى= وذا طري المحبوب هلت عيونه
تساومونه لين يعشق ويهوى=واذا انكوى بالنار ما ترحمونه
ان كان ماله في هواكم ويسوى= دخيلكم بالله لا تضلمونه
لاحد يقل جاني من الحب بلوى=ونتم قسم بالله ما تفهونه