سلام الله معه ممزوج دهن العود لاهل الدار=سلام الشوق لاهل الذوق سلامً فيه حنيه
تغيب ناظري عنكم وهذي حكمة الاقدار=ولا احداً قد سأل عني متى الروحه متى الجيه
وجيت اليوم متحمس عزيمه داخلي واصرار=ابي اكمل مسيره قد بداها فرخ جنيه
وبرجع للورى خطوه وواصل واكمل المشوار=وببدا سرد ما عندي وقصة حرب سلميه
بداية رحلتي كانت في الواقع عنا واسفار=سعوديه سعوديه سعوديه ومصريه
بديت السير من جده الى ان جيت راس الغار=ومريت الجبيل وقلت يا زين الشقرديه
وكان القصد للظهران وفي الظهران لي تذكار=علوم الجو والطيران وادراسات فنيه
وكانت نيتي اقضي في البحرين نصف انهار=ولكن ما كتب ربي لانه يعرف النيه
ومر الوقت مثل السيف كنه بالشبا بتار= وعدى الشهر كنه يوم واقصر يمكن اشويه
وقلت الحين ما عندي ظروف ولا بقي اعذار=لزوم اني ازور اهلي ولو في وقت عصريه
وفي قلبي حنين وشوق لصوت الرعد ولامطار=لاني اعرف الباحه يجيها امطار رعديه
ويوماً حطت الرحله نزلت وقلت يا ستار=خدعنا قايد الرحله ونزّلنا القويعيه
اثار الحال متغير من الامطار صار اغبار=وصوت الرعد في ذهني وهم واحلام ورديه
عزمت ارحل عن الديره واغادر خارج الاقطار=ربطت العفش من بكره وغادرت السعوديه
وقلت الجار بي اولى وما للجار غير الجار=وجو القاهره صيفي ولاظن التقي زيه
من اول شخص قابلته بدينا وابتدا المنشار=بديت اصرف جنيهاتي لذا ميه وذا ميه
خرجنا مالمطار وفي خواطرنا نبي نختار=نعم نختار راحتنا!! ولاحد يقلب النيه
ولا ابغي حد ينشدني وشاللي صار وش ماصار=وباوجز كل ما شفته وباعطيكم علاميه
حراميه وما للصدق للي جيتهم معيار= حراميه نعم والله حراميه حراميه
يبيعون الكلام بقرش ما للعاهرات اسعار=حشا ماعمهم بالشر.. فيهم ناس محميه
ونا ون كان لي مكسب من الرحله ولي تذكار=ترى الصحبه هي المكسب ولاابغي شي موليه
خسرنا المال لاكن ما خسرنا صحبة الاخيار=وهذا كل ما عندي من الروحه الى الجيه