السلام عليكم ورحمة الله وبركاته
فعلا توجد الآن مشكله منتشره وهي ان نسبة العنوسه بدت في انتشار مستفحل ! .. وللأسف ان هذه الظاهره بدت تكبر يوماً عن يوم حتى أصبحت البنات العازبات يجلسون في بيوت اهاليهم دون زواج وتكبر البنت وتتعدى العشرين سنه ومن ثم الثلاثين ومافوق لتصبح مهدده بخطر العنوسه الأبديه والتي ستأخذ منها أجمل حلم بالوجود وهو تحقيق كلمة الأمومه وتكوين أسره لتجد نفسها بعد ذلك وحيده وتكبر وتكبر ولم تجد من يرعاها ويسأل عنها صدقوني يا اخوان حتى لو البنت عندها ابناء اخوان واخوان مهما كان ماراح يعاملونها بمثل معاملة الابن اللي من صلبها ولكن الان نبي نعرف وش السبب اللي خلا الشباب لايتقدمون لخطبة البنت انا بذكر بعض الامور
اولاً يمكن ان البنت شكلها مو حلو مره ويمكن تكون سمينه بعد فهل هذا يعتبر سبب لدى الشباب حتى مايتقدمون لخطبتها ؟؟؟؟؟
وانا شخصيا اعتبر ان هذا سبب رئيسي لان الشباب الان ماينظرون للجوهر بقدر إهتمامهم بالمظهر
ثانياً الأم ليست إجتماعيه وحدود معرفة الناس بأن هالبيت فيه بنات محصوره ويمكن اللي شايفينها مو عاجبهم شكلها ..
ثالثا / الرغبه في الزواج من الخارج وخاصة من السوريات وعاد في السعوديه صارت منتشره فيها الزواج من الشاميات لسبب انها اقل تكلفه من بنت منطقته ولكن للأسف لما يشبعون من الفلوس اللي اخذوها منه ساعتها يقولون له طلقنا والعيال يروح يقطهم على ظهر اللي من بلده وخذي ربيهم الان وياليتها تعجبه بعد تقولين مغصوب عليها وهم بصراحه شباب بلدنا صارو يتزوجون من هالسوريات لانهم يظنون المساكين انهم ماخذينهم عشان سواد عيونهم وهم والله ماخذوهم الا للي في جيوبهم وبس يمتلون يقولون يااااااالله طلئني شوبدي فيك بعد ماتكون ال***ه جابت منه عيال اما يروح يبلش اهله فيهم ولا يتزوج وحده من منطقته بعد ماعرف ان غير بنت بلده ماراح احد يقدر يتحمله هذا غير الجنسيه اللي يسعون لها من اول مايجون عشان يحصدون من وراها الخير بس ما اقول الا كل ساقط وله لاقط وهم لو لا انهم شايفين من منطقتنا ناس ينضحك عليهم بكلمة حبيبي ويا ألبي وياحياتي ولا ماكانو لعبو بدينهم ورجولهم وبالاخير الخسرات حظرة الرجل المحترم اللي انضحك عليه بس هل من متعظ المشكلعه ان فيه بعضهم ينلدغون منهم ويرجعون لهم بعد يعني قلة عقل الحمدلله والشكر
رابعاً / الأمهات صارو يبحثون عن المظاهر والشكل لأولادهم وحنا مانقول ان بناتنا مو حلوين بس ولو الله خلق ناس متفاوته من حيث الشكل بس الان صار التركيز على الشكل عند الامهات اهم من الأخلاق ..
خامسا البنات اللي من عوائل كبيره اذا ماتقدم لها من عائله تناسب عيلتهم ولا اكيد راح يرفض ومرات ممكن البنت تكون كبيره بالسن وقلبها يتقطع على تكوين اسره ولكن صموتها حفاظاً على ماتربت عليه من عادات وتقاليد وان البنت مايصلح تتكلم بهالمواضيع او انها تطلب حقها قبل فوات الآوان وحتى لو تجرأت وعبرت بطريق غير مباشر لأمها او احد من اهلها راح تلاحضونهم ينظرون لها نظرة شفقه .. فأيش الحل برأيكم
سادساً / البنت اصبحت تعاني من كبت بسبب الوضع اللي تعيشه من كتمان هالرغبه واللي مافيه احد حاسس فيها وهي تتعذب بالله عليكم وش يسوون هالبنات ..
اقتراحات .. وابي رأيكم بصدق
ليه الأسر مايجتمعون مع بعضهم ويشوفون كم بنت او اسره من عيلتهم عندهم بنات مو متزوجات فايحلون هالمشكله بدل مالبنت المسكينه يمضي عمرها وهي تنظر لمن هم بسنها واصغر منها تزوجو وهي الى الان جالسه في بيت اهلها وهذا ما اتصور انه عيب ..
المفروض ان العوائل يبعدون عنهم مسألة ان هالعائله تناسب هالعائله ولا مانوافق عليها لان كثير شباب على حسب مانسمع قمه من الاخلاق ومن عوائل عاديه ولكنهم مرفوضين من قبل العوائل الكبيره حتى لو البنت تبقى طول عمرها من غير زواج بس هل هم يحسون فيها تلاقونها تكبت وتكتم بنفسها وهي تشوف الغير بس عارفه انه لاحياة لمن تنادي وانها لو طالبت بحقها راح تصبح منبوذه من الكل وانها جريئه وماتستحي ..
فيه مشكله ثانيه وهي بالدرجه الأولى تتعلق بالنصيب وبنفس الوقت لها علاقه بما سبق ذكره وهي ..
لو البنت من الأساس ماتقدم لخطبتها أحد وهي انسانه محافظه على حالها وتتمنى الزواج وتكوين أسره وأطفال برأيكم وش تسوي عشان يتحقق لها هذا الشي اذا هي ماتقدر تتكلم اصلا بهالموضوع لانه عيب ويعتبر جريمه ان طالبت فيه فماهو الحل ارجوووووووووو من الجميع المشاركه بصدق
|