بالبر لا من الجمر سار شباب=وزلت القهوه بصفر الدلالي
احس راسي مال والكيف طلاب=للقهوة. الي ريحها بالعلالي
احس ريح البن لا فاح نهاب=ينهب عقول الي هواهم شمالي
الله ماحلى الكيف في جو خلاب=من يد صافية الجبين الهلالي
الي تظاهي البدروانفاسها اطياب=بنت الكرم والجود بنت الرجالي
لاهب نسناس الهوى شوق واحباب=واعيون من تهوى عيوني قبالي
الكيف والوجه الحسن راس مرقاب=وش عاد له يشرد ويسرح خيالي