لقيتني حلـم والا آنـا لقيتـك خيـال ؟
والا ألتقينـا خطـأ وإلا وش السالفـه؟
هذي عيوني بغت صوبك تشـدً الرحـال
لكن صدمها صدودك وأرجعـت خايفـه
جيتك وأنا لي طموح أوصل حدود الكمال
لكن رجعت وكفوف الشـوق متراجفـه
ياللي رحيلك جريمـه تشبـه الأغتيـال
فرقاك صعبه وبُعـدك يرهـق العاطفـه
أكتبْك كلمه وتصبح في عيونـي مقـال
واشوف نفسي حبيس أفكـاره الهادفـه
إسكن عيوني ويصبح رمش عيني ظلال
وأسكن بقلبي وهـز أغصانـه الوارفـه
تعال نجلس سوى لكـن بـدون انفعـال
إشرح لي الشوق في نظرتْك وش شايفه؟
فسًر لي الدمع لا خلى المحاجـر وسـال
وأقنعني أفهم حديث جروحـي النازفـه
ولا عليك أمر جاوبني علـى هالسـؤال
ليه أصبح الحب ضمن أوراقـك التالفـه
ليه أصبح الورد ياخذ رمز غير الجمـال
وليـه بُعـدك تهـبً رياحـه العاصفـه
لا شفتني طحت وأنهدًيت تكفـى تعـال
أجلس بجنبـي وفهمنـي وش السالفـه
اخوي الهجير صح لسانك مدد بلا عدد . ومشاء الله عليك . هذا هو القصيد والشعر والا بلااااش الكتابه .. اسمحلي اخوي قصيدتك .قد لطشتها وعادت في منتدا خاص بقريتي لتكتحل عيونهم بما يخطه ويكتبه الهجير
|