في غياب الهجير الشعر ماله حضور=وفي حضوره يغطي كل من في الغياب
في قصيده بيوت الشعر تصبح قصور=والمعاني ترفرف فوق هام السحاب
به تجود القوافي والشعر به فخور= بيت فيه السؤال وبيت فيه الجواب
يستحق الحضور الكبرياء والغرور=ويستحق الغياب ابلغ معاني العتاب
شاعرً في دواوينه تغني السطور=بيت واحد من ابياته يساوي كتاب
سيد الشعر عام وغاص كل البحور=له تلين الصعوب وينفتح كل باب
وقوافيه في ليل القصايد بدور=تضوي الليل مايغلب عليها الشهاب
منهله عذب صافي مايشوبه كدور=ماهو مثل الذي يلوي ويطرد سراب
يحكم نضم القوافي والنثر والشقور=يتقن شعره تصاوير الفرح والعذاب
غيبته لو دقاقيق مثل عدة شهور=فارس الشعر والمعنى وسيد الشباب