اثرت البداوه على بدويه حتى في الاكل والشرب
فلم اشرب في حياتي حليب اولبن مصنع
وفي يوم من الايام كنت عند احدى الصديقات
فقدمت لي حليب المراعي
فقلت
حليب المراعي عل كبدي وانا مشهاه=تراجف ضلوعي كل ماشفت كرتونـه
مدري لبن جاموس ولاحداًعرف مجناه=ولاادري مـن اي مصنـع يجيبونـه
وياجرقلبي جر دلو (ن) على مسنـاه=يتله قعودن بالمصاريـع يثنـو نـه
اليا جرها من جال بير(ن) بعيدا مـاه=طويلن مجره والصعب قطع اشطونـه
على در عربن في الحياء سنعوامفلاه=مرباها يمين البرق والفندمـن دونـه
لياقالو البدوان انـا اقـول ياوجـداه=يزيد الولع في القلب والنفس مغبونه
وانا كل حجر من عيوني يفيض املاه=واغطي على دمعي مباهم يشوفونـه
ولا يالله انك تعين قلبي علـى بلـواه=طواه الحزن مايسمع اللـي يعذلونـه