اجوبة شخص*بس قبل الاجوبه تراك من اول وانت تضيفي قبل اسمي الشاعر وانا لست بشاعر وان نزلت شي من راسي استشير للوزن من فهد وملك الليل بس احب اتذوق الشعر الشقر فقط واحلل بعض الابيات من الناحيه العلميه او التاريخيه
أول رمضان قمت بصيامه كم كان عمرك ؟
12 سنه
* موقف طريف لا يغيب عن بالك حدث لك في رمضان ؟
قبل ثلاث سنوات وانا راجع من جيزان مريت بابها وقلت باجي مع السياحي علشان افطر فول مصري في شمران اخذت الفول وحبت التميس وكاسة شاي وجنبت عالخط وشوي جتني رساله من رقم غريب يقول في نصها (اقترب شهر الخير فماذا انت فاعل فيه ...جزء من النص مفقود )لان الجهاز ابو كلب قديم وتركت الفول وقلت ارد اول عليه فرديت وبما اني على سفر قلت والله لابددن شمله بالاسفار ... ولما وصلت الباحه اكتملت الرساله والمرسل قسم التوعيه الدينيه من صحة الباحه وانحرجت في نفسي
واستلمني المطوع خلال الشهر برسائل يبغى يهديني قال شكله رمضان عنده مثل شعبان وبعدها بشهرين قابلته وفهمته وقال توقعتك تمسح الشهر قلت لا زمان كنا نحرث خط الجنوب في رمضان والحين خلاص ياشيخ
___وموقف ثاني حصل لاغلب الناس وقتها وهي اول ماجاء شي اسمه تطلي وشعيريه الكل كشن عليها احلى كشنه
* برنامجك في رمضان كيف كان وكيف سيكون ؟
كما هو معتاد بعد ضلاة الفجر الى الظهر نوم وارجع بعد الصلاه للنوم الى العصر وبعد العصر اقطع الوقت او اجزئه اقرا قران صفحتين فقط وكل ايه اخلص منها اشوف كتاب التفسير واكتب في دفتر خارجي بعض الكلام اللغوي علشان ارطب بها لساني اذا تفلسفت وقبل المغرب الاعب الاطفال اضيع وقت لان المعده تقرقر قرقره بعد المغرب افطر واروح اجلس لوحدي افكر لاني احب التفكير والا اجلس اكتب مواضيع واراجع لمواضيع سابقه اعدل فيها والقحها واحذف اللي ما هو مناسب وبعد العشاء دجه اقابل الربع واروح للنت ومن بكره اروح اصلح شاي وشبة نار عند ملعب شباب القريه برباع
*ماهي الأكله او الطبق الذي يجب ان يتواجد أمامك في رمضان ؟
طبعي على الافطار سبع تمرات ومويه وشوربه عالخفيف ثمان سنبوسات مقليه 4باللحم ووثنتين بالجبن وثنتين بالبيض وصحن سلطه فيها جميع الخضروات وكم هبرة عنب وموزه صغيره ونص تفاحه بدون وبعد ساعه كوب شاهي تلقيمه اسوووود مسكر
* هل تحرص على السحور ؟
اكيد وشي ضروري ويكون كبسه وماهو بس السحور قبلها عصيده الساعه 12 اذا امي موجوده لان من غيرها ما اكلها ما يعرفوا لها استبدلها من بقاي الفطور نقنقه
* شخص تفتقده في رمضان ؟
الوالد رحمه الله لاني فقدت برنامج دائم بعد الافطار وهو مساج للوالد من راسه الى رجله مع تزيين لحيته وتشريب شنبه
* بمن تفكر اول ما تسمع بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟
لا احد
* مالذي تتمنى أن تراهـ في المنتدى خلال هذا الشهر الكريم ؟
في رمضان وغيره اشوفه كامل والكمال لله بوجود اعضائه المتميزين
* مشهد يسعدك أن تراهـ في رمضان ؟
عندما التقي باغلب اهالي القريه صغير وكبير في موقع يجمعنا للسواليف
{اختر أحد الأثنين }
1- تحب رمضان الماضي ام الحاضر ؟
كلوا واحد والشهر هو هو بس رمضانيات الماضي احلى بعد الفطور الباب يدق ونفتح تطلع جاره جايه بقهوتها وابنائها اليوم اللي بعده الوالده وابنائها والقهوه رايحين لاحد الجيران توادد وتعاطف وجيره ويطعمونا من اكلهم ونطعهم من اكلنا وهكذا
2- رمضان في الصيف أو رمضان في الشتاء ؟
في الشتاء لاني غالبا رمضان اخذه اجازه وافقع من الباحه على مكه وجده متنقل بينها
3- في رمضان تحب النوم المبكر أم السهر ؟
احلى شي الليل سهر الى صلاة الفجر لاني لو انام الليل والنهار الحين طويل والله لافطر
4- في رمضان تحب الإجتماع مع الأهل والأصحاب أم الجلوس لوحدك ؟
كل يوم اقابل فيها اصحاب او بالاصح زملاء العمل حق ابو ساعه والباقي احب اقضيه مع اي من شباب القريه
5- وجه دعوه لــ خمسه من الأعضاء على الإفطار ؟ من ستختار
الكل نكسب اجرهم بدون استثناء ودموقراطيه وعلى سفره واحده نفطر ونسولف والعين بحر مع الاعضاء الموقرين وبعدها ليوم ثاني اختار خمسه علشان نتحاور ونتناقش وجها لوجه (السبيه ليل الوعد الموسى صقر الجنوب فهد قزعه)
اختار بعدي علي السبيه
|