الشعر يحتفل بالذكرى الخامسة لبيعة الملك عبدالله بن عبدالعزيز..




















معاهدة الملك عبدالله بن عبدالعزيز ..
" أيها " الاخوة " ..
انني اذ أتولى المسؤولية بعد الراحل العزيز وأشعر أن الحمل ثقيل وأن الامانة عظيمة أستمد العون من الله - عز وجل -
وأسال الله سبحانه أن يمنحني القوة على مواصلة السير في النهج الذي سنه مؤسس المملكة العربية السعودية
جلالة الملك عبدالعزيز آل سعود - طيب الله ثراه - واتبعه من بعده أبناؤه الكرام - رحمهم الله - وأعاهد الله ثم أعاهدكم
أن اتخذ القرآن دستورا والإسلام منهجا وأن يكون شغلي الشاغل احقاق الحق وارساء العدل وخدمة المواطنين كافة
بلا تفرقة ثم أتوجه اليكم طالبا منكم أن تشدوا من أزري وأن تعينوني على حمل الامانة وأن لا تبخلوا عليّ بالنصح والدعاء.
وأسال الله أن يحفظ لهذه البلاد أمنها وأمانها ويحميها ويحمي أهلها من كل مكروه ولا حول ولا قوة الا بالله العلي العظيم " .



( حنا الوطن دام النبض عبدالله .. )


تحت هذا الشعار .. توافد الكثير من الشعراء و الشاعرات المتميزين بـ المشاركة في ذكرة بيعة الملك الغالي عبدالله بن عبدالعزيز .. حتى من خارج نطاق السعودية .. أخواننا في الكويت بلدنا الآخر أيضا كان لهم مشاركات تدل على طيبة قلوبهم و تؤكد على الترابط الروحي بين الكويت و السعودية ..
أدام الله لنا هذا الترابط .. و طوّل بـ عمر ابونا ابو متعب على عزّ و رضا ..



اربع سنين عزٍ و الرخا لا يزال ..
.. .. .. .. .. ينتشي في بلدنا يا بلاد الغلا ..
تاج راسك مليكٍ طيبٍ فـ الخصال ..
.. .. .. .. .. شال اسمك و حطه دايماً في العلا ..
يا عسى الله يمده ابـ سنينٍ طوال ..
.. .. .. .. .. و تحفظه يا الهي من شرور وبلا ..
كلنا من بنات ٍ وو صغار و رجال ..
.. .. .. .. .. مننا له مشاعر حب شعب و ولا ..
يا هلا به هلا به عد حب الرمال ..
.. .. .. .. .. في حضوره نردد يا بو متعب هلا ..
دارنا في يدينك كلها لك حلال ..
.. .. .. .. .. هذي هيَ بلادي و لا غيره فلا .. !

( بسمه الخالدي )




ذكرى حكم بيعة ولا حب قايد ..
.. .. .. .. .. لا ما تغير لو يجورن الايام ..
قايد مسيرتنا وسيع البنايد ..
.. .. .. .. .. صقر العروبة ذخر حامين الاسلام ..
عمره طويل و عيد الامجاد عايد ..
.. .. .. .. .. و في ظله بلاد الحرم عزها دام ..

( جزاء البقمي )



لاصارت الدعوه مواقيف وانصاف ..
.. .. .. .. .. ماللمواقف غير ساطي وحلحيـل ..
ماللصعيبه غير حاكـم وعسـاف ..
.. .. .. .. .. سواة ابو متعب بوقت المشاكيـل ..
قدام ياسيدي ولاعندنـا اخـلاف ..
.. .. .. .. .. تلقى حوالينك أسـود الرياجيـل ..
انته لنا ياسيدي ستـر ولحـاف ..
.. .. .. .. .. حاكم وعادل مثل مايعـدل الكيـل ..

( جمال العالي )





جنوب وشْمال ، شرقيّه وغربيّه ..
.. .. .. .. .. يجددون الولا بـ الشرع والملّه !
محسود فـ ( إثنين ) يا شعب السعوديّه ..
.. .. .. .. .. الاوله قبلة الله ، ثم عبدالله !

( حمدان الديحاني )





عبدالله الخير عز الشعر طاريّـه ..
.. .. .. .. .. رابع سنة و الوطن مرتاح في ظله ..
الله يعز النشامى بالسعوديـّة ..
.. .. .. .. .. و الله يعز السعودية بـ عبدالله ..

( خالد سعد الدوسري)





يا مساء الجود عزِّك يا بلادي ..
.. .. .. .. .. يا صباح العشق أرضك والكرامة ..
يا مواويل النخيل وشعر كادي ..
.. .. .. .. .. وذكر يشبه ما حوى جوف الغمامة ..
لك مليكٍ تعشقه كلمة ( قيادي ) ..
.. .. .. .. .. مضرب الأمثال ، لو طرَّوا ( شهامة ) ..
فعل ( عبدالله ) مواثيق ومبادي ..
.. .. .. .. .. وقولة اسمه بس درسٍ بـ الزعامة..

( سامي الجارالله )





[ رابع سنَه ] ياسيّدي تبني لـ فرحتنا قصور ..
.. .. .. .. .. [ رابع سنه ] والمملكه من أزدهار لـ ازدهار ..
[ رابع سنَه ] والألسنه في سكّة أمجادك عبور ..
.. .. .. .. .. [ رابع سنه ] ماشافت إلا طيبك وكل العَمَار ..
ياقايد ٍ فيه المعاني والأماني .. ماتبور ..
.. .. .. .. .. الله يحفظك من شرار الخلق للناس الخيار ..

( سالم الراشدي )





حنا الولاء ماضي مع حاضر ..
.. .. .. .. .. انجدد البيعه لـ عبدالله ..
قم يا وطن و للملك ناظر ..
.. .. .. .. .. في وجه الاعدا سيفٍ انسله ..

( سلمان الفيصل )





شعبك الليله يجون مبايعين ..
.. .. .. .. .. يا مليك الحق جددنا الولا ..
روحنا ترخص لرد الطآمعين ..
.. .. .. .. .. دمنا ينسآق في رد البلآ ..
سيدي احكم وحنّآ سآمعين ..
.. .. .. .. .. في خفوق الشعب لك حب وغلآ ..

( طلال القريني )





للذاكرة في بعض الايام وقفات ..
.. .. .. .. .. يبقى أثرها في قلوب الملايين ..
واليوم بالذكرى تجلت مساحات ..
.. .. .. .. .. عن غيرها ترجح بكل الموازين ..
بيعه على الطاعه ولا هي شعارات ..
.. .. .. .. .. إلا حقايق مثبته بالبراهين..
خذها يابو متعب ولاهي جمالات ..
.. .. .. .. .. أرواحنا فدوه وحنا على الدين ..

( عبدالرحمن عبيدالله البجيدي )





يستفحل الشعر لامن قلت :- عبدالله ..
.. .. .. .. .. وريق الطهاره عفافة قلبه تبلّه ..
الحاكم , اللي ليا شفت الأمل بكره ..
.. .. .. .. .. مادام موجود ( ما أخافه ) ولا والله !
وشلون نخشى عواقب بكره وبعده ..
.. .. .. .. .. وحنا ورانا حبيب الشعب ( عبدالله )

( عبدالعزيز السبيل )



اي والله انبايعك يالشـــامخ الطــــود ..
.. .. .. .. .. ياعــــــــزنا يا فخرنا يـــاذرانا ..
اربع اسنيـنٍ كنها قــــرون وعقــــود ..
.. .. .. .. .. صافـح بها كــف الثـــريا ثـــرانا ..
عمرك طويلٍ يابو متعب على الجــود ..
.. .. .. .. .. نجـــود من جـودك على من نصــانا ..

( عياد بن ثاني )





في سما هـ المملكة إسمك سنا ..
.. .. .. .. .. يا بو متعب كلها تهتف معاك..
في عيون الشعب نورك والغنا ..
.. .. .. .. .. يضوي العتمة ونفرح في لقاك ..
يا ملك عشنا بـ ظلّك في هنا ..
.. .. .. .. .. كلنا نحبك ونتمنى رضـاك ..

( عذوق )





الله يديم اللي سما بالشعب / وإلـ. داره حما ..
.. .. .. .. .. كيف؟ ولما؟ ما تعرفه / عاهد وصيّر معجزات ..
أربع ولكن عن دهر / وش بس فيها ما نما؟!
.. .. .. .. .. ساعة بنائه عن شهر / والي ولا كل الولاة ..
نجدد البيعه ولا / حب وقناعه وإنتما ..
.. .. .. .. .. لنّا نعرفه / سيدي عبدالله في جفنه نِـ(بات) ..

( فارس الجعفري )




يا سيدي يا سيدي يا تاج رأس المملكـه ..
.. .. .. .. .. جينا نجدد للعهد وكل الوفاء لك يا أبـي ..
من دونكم يا سيدي يا مرحبا بالمهلكـه ..
.. .. .. .. .. الموت من دونك جهاد وأقصى لك ما نبي ..

( فيصل بن مدعج )





من الكويت ارسل لدار ابو متعب سلام ..
.. .. .. .. .. حي طاري من تربع فالمحبه والقلوب ..
شيخٍ اعجز عن وصوفه في قصيد وفي كلام ..
.. .. .. .. .. مير كود البيت الأول عن محبتنا ينوب ..

( لمحات )




على غير اعتياد قلوبنا فـ الحب للمالك ..
.. .. .. .. .. لـ ( عبدالله ) بدااخلنا شعور ن ماهو محدد ..
وعشان الأنتماء و الحب و التقدير جينا لك ..
.. .. .. .. .. نبايع بالولا يا خادم البيتين .. و انجدد ..

( لولوة الدوسري )





مَلِيكَ العُرب إحسانه وصل للقاصي والداني ..
.. .. .. .. .. رحوم ٍ جامع الطيبه, وبشته غيمة أمزانه..
ابو متعب حفظه الله / على مدّات َ الازمان ِ ..
.. .. .. .. .. يمينَه / تمسح دموع اليتيم وتسبق أحزانه ..

( محمد الفيفي )





مايحد كويتنـا بأكبـر غلاهـا ..
.. .. .. .. .. غير حبي لديرة المجد السعودي ..

( معربة الجدين )





في بلادي .. عاش عبدالله هنا .. بين المحاني ..
.. .. .. .. .. قلب يتشرب غلاه وعيـن هو منهـا النظـر..
في بلادي .. ملك الانسانيه اطهر قلب حاني ..
.. .. .. .. .. الله يمـده بطـول العمـر ولبـاس الضفـر ..

( محمد الهويدي )




كويتي واهني شعب ابو متعب المضياف ..
.. .. .. .. .. نيابة عن كويت المعزة وحاكمها ..
سرى قافي وشعري مع مركب الاعراف ..
.. .. .. .. .. يجاري رياح العز والمجد زاحمها..
سلامي على البيعة وليت البيوت آلاف ..
.. .. .. .. .. لجل نمدح الدار العذية وخادمها ..

( ناصر المري )





انا والليل .. وسهيل اليماني .. مع نكادة حال ..
.. .. .. .. .. حيارى .. ننسج خيوط .. السهر .. نتوشح الغربه ..
ومرّ الوقت .. ماسك في يديه إمن الوله أطفال ..
.. .. .. .. .. ألاقيني أمامه .. ودي أحكي .. ثم .. أغرر .. به !
يقولون الوفا وإن ذبلت أغصان الغمر .. لازال
.. .. .. .. .. واقول آنا وفائي .. للوطن .. حكامه .. وشعبه !

( ناصر بن حسين)




هذا الجهد المتواضع شيئا بسيطا مما يستحقه هذا الـ عبدالله ..
الشعر يحتفل بالذكرى الرابعه لبيعة الملك عبدالله بن عبدالعزيز..