هذه السالفه التي سمعتها من كبار السن
يقو لون كان هناك رجل وصديق له ممسين عند ابلهم
في البراعيم(البراعيم تقع جنوب الوادي بحوالي40كم)
وعند ما جا آخر الليل سمعوا هذه القصيده من جني يقول فيها
يارجلي اللي غدت دمـره = مـن البراعيـم واحذاهـا
واللـة لـولاك ياسمـره = للخـور ماعـاد نرعاهـا
ون سرت انا برفع الشمره = واعس واطـوف مفلاهـا
يلاحظ هنا ان الجن لهم حلال يرعونها ويحبونها ويهتمون بها.........
والسالفه الثانيه كان فيه رجال عند ابله في ضداء
(ضداء يقع جنوب الوادي بحوالي 100كم وهو حدود الدواسر مع قبيلة يام)
وكانت الارض مدهره
فمر عليه رجل على ناقته فناداه لينشده عن الاخبار
فلما اتاه صاحب النا قة شاهد رجل غريب فقال له من اين جاي
قال
امس فكوك الريق من تمر يبرين = واليوم شفني بالعيون الحبايـب
ويلاحظ هنا انه قطع المسافه من يبرين الى ضداء في يوم واحد
بالرغم من طول المسافه فقال له صاحب الأبل معك احد
قال :
علمي بربعي من ورى هضبه الطين = قعودهم جالـه مـن اللـة سبايـب
نفهم هنا انه معه أخويا ولكن حصلت لهم مصيبه ربما انكسر قعودهم
فقال ايش تبحث عنه
فقال
ادور اللي كن عرفه رياحين = اللي سبا قلبي غرير وشايب
الجني يحب ويعشق والظاهر ان معشوقته هنا آدميه
فقال عينت اعلوم الحيا... من عادت البدو اهل الحلال يحبون اخبار الحياء
قال
اقول حولوا للحيا يامساكيـن = من قبل تاكلكم وقوت اللهايب
فقال اين مكانه
قال
عينت انا الاجواد في نجد مطخين = واد الرشاء جايٍ لعشبه عجايـب
هذا الجني اتى بالعلم الأكيد عن الحيا فبقي على صاحب الأبل ان يحول إلى الحيا
|