السلام عليكم وكل عام وانتم بخير
هذه مجاراة لقصيده اعجبتني هنا اسمها التغرودة
اتمنى ان تنال اعجابكم
لبى القصيد او جاك يعزف عوده=يمشي على الطاروق والالحاني
من كثر شوقه ذاب فيه اركوده=كنه روي بالما وهو عطشاني
الشعر يتفاخر ويصلب عوده=دامك غديتي للشعر عنواني
حروفك الي بالحسن معهوده=تطرب له الالباب والاذاني
وقام حرف الهمس بعد اجموده=يطرق حروف الشعر والميزاني
في داخلي بركان يعلن قوده=يحرق حشاي ابقوة النيراني
مصيبتي روحٍ غدت منقوده=متعلقه باوهامها واتعاني
قلبي فنا من دونهامجهوده=يكتم وخوفه تفضح الاعياني
الله لو تدرون وش مقصوده=يمكن عشانه تعذرون اجناني