جديد علي السبيه الغلبان
نقّضت لي الجرح يابدري=سريت من ليلتي بدري
وكنت غافل ولا بدري=ماضن بدر الدجى ساري
برد الليالي غدا غالي=لا غاب عن ليلي الغالي
والصمت وشلون يلغا لي=مادام بدرالدجى ساري
من هاجس الشعر والمعنى=كنا سوى والامل معنا
واتعبني الهم والمعنى=من شفت بدر الدجى ساري
ياقلب بالليل وش حالك=مادمت سهران ولحالك
ماغير الاوهام تنحا لك=تسهر وبدر الدجى ساري
يانجم وين البدر وينه=تاهت علينا عناوينه
والقلب زادت وناوينه=تايه وبدر الدجى ساري