انتبه لا تقول انک غديت امحروم ..
دنيتگ لوخطيت بحقها ما اسمحت !!
لو قسى الوقت ضدَّک و أغرقتک الهموم ؛؛
کابر ولوعيونک بالدموع اسبحت ~
القدر شي مُحتَّم رغم كل الخشوم !
والظروف العصيَّه مِنک لا ما استحت ~
أدري انک من حروب الليال امهزوم ؛
ناس وقفت معاک وناسٍ استسمحت !
ما حد(ن) من خطايا الوقت يبقى امعصوم ؛
و إن دفنَّا المعاناة .. الدموع افضحت !
بس حاول تكون لمشكلاتک كتوم ..
وأقرب الناس لو تحكي معه ؛ روَّحت !
يكفي انه بکلماته يشد العزوم~~
دمعتک لا حزنت..وبسمتگ لا افرحت !
بإختصار:الخوي في شدتک والسلوم ..
ميزته فوق منهو ماديّ ٍ بَحَت !!
من مسح دمعتك غير الخوي والكموم؟!
راهنتک الليالي.. بالأخير اربَحَت ~
لا تفرط بـ خلَّک أو تبيعه بـ قوم ..
+اجمع+ اِلِـه المعزه لا السنين-اطرحت- ،،
وإن قسى أو جفى أو غاب عنَّك بيوم ..
لاتصده.. ولو شمس الفراق اوضحت !
إن غدى الهم في قلبک سواة امعزوم ..
فكِّر بـ منهو أقفى بس غلاه اِنَّحت ~
لو نسيت الخوي تبقى بشقاک امحكوم !!
كل ما نامت همومك دقايق صَحت !
إن تذكرت وقفاته بوقت اللزوم ..
تندم انک جفيته والظنون اسرحت~
خِلَّک إن صار قاسي؛خل قلبک رحوم !
فكِّر بـ كل وقفه من تحت لي تَحَت ؛؛
دوم دنياک تبقى لك من أكبر خصوم
كم معاها فَرَحْت ويا كثر ما اجرَحَت ~
ما به إنسان من لحظات فرح امعدوم ..
والحُزن مثل ذلك؛كم عيون المحت ~
بس تبقى السعاده في سماگ النجوم*
لو غشتها غيوم الليل لا ما انزحت !
السعد في حياتك كوم والحزن كوم ~
لكن الحزن گفَّه .. واعتلت وارجحت !
لحظة الغم لا يمكن بعمرك تدوم ~
مثل قسوه ولانت؛ذكريات اصبحت !!
حظك إن كان شين أو زين يبقى حتوم ..
وإن تفائلت ابشر ؛ خُطَّتک وانجحت !
ضربة الحظ تبقى مثل ضرب السهوم ~
بعضها صاب والبعض القليل امَّحت..!
أنصحك كون للناس بحياتك خدوم¤
وكفك لـ كل ناسك بالعطا «لوَّحت» ؛؛
حاول انك تجنب كل قسوه ولوم..
والعتاب الكثير محاوله ما افلحت !
الوفي طول عمره في وفاه امحشوم ~
لو ما حد عبَّره والناس لو ما امدحت ..
مودَّتـــي لـكُم جميعــاً