هلا يامرحبا ترحيبة بالود مثنيه =بكل اضيوفنا واللي تشرفنا مباديها
على نيه تقابلنا في الموعد على نيه =وعسى الايام ماتبدي على ربعي بواديها
ترى الايام دواره تجي شمسا مع فيه =وهذي حالة الدنيا من اولها لتاليها
بدينا اصغار صرنا اكبار كلا عارفا خيه =وخذنا العلم بالتعليم والخبره توفيها
عملنا في ميادين العمل بضمايرا حيه =وهذا عادة اللي مخلص النيه لواليها
ندير افكارنا مابين هاذيكه مع ذيه =ونسعى في دروب الخير والحكمه لشاريها
تمر اسنين وابن ادم مع الروحه ورى الجيه = وتبقى فترة الاعمار مذكوره بطاريها
ولا حد دام في دنياه قاعد فوق كرسيه =ولكن نشرب المره ليا جتنا بحاليها
بذلتواجهد والمجهود جاء ميه على ميه =في الماضي مع الحاضر ورى خدمة معاليها
وعشنا ايام ذكراها ترى ماهي بمنسيه =مع احلاما تراقب كلمة الراعي وبانيها
صداقتنا على مبدأ ولا بتكون منفيه =ونأخذ حكمة العاقل ونقرأ في معانيها
وداعيه نعم باقولها طبعا وداعيه =ولكن القلوب الصادقه توفي لغاليها