أكاديمـيـة العرضـة الجنوبيــة - ربـاع - عرض مشاركة واحدة - الجميع مطلوب للحوار ابتداء من الاستاذ صقر الجنوب وجميع الاخوه والاخوات

أضغط هنا · 31/12/2010, 09:56 PM

أخي الغالي درع الجنوب
اشكرك على مداخلاتك ومنتدى رباع وادارته يتقبلون اي نقد بناء وهذه اجاباتي حبا وكرامه :

وعندي بعض النقاط اتمنى من صقر الجنوب التعليق عليها ولا بأس بالمداخله من الجميع .

يابشراك يا النشمي وانحن حاضرين .

اولا : الحريم ( ماخذ موقف من الحريم) ههههههههه في مشاركه لي سابقه كتبت فقط ( يافلان ترد ولا اروح القهوه اشيش ) وتفاجئة من احد المشرفات بتعديل المشاركه رغم ان الموضوع مر عليه وكان موجود مشرف القسم ولا قال شي والله انها حزة في خاطري وهي ماهي مشرفه على قسم المحاورات ولا حبيت اناقشها وكانت كبيره في حق رجال .. اناقش حرمه اشوفها عيب .. فياليت الحريم يبعدون عن الرجال وقسم المحاورات ويتفرغون لها مشرفين رجال نستطيع نناقشهم وناخذ ونعطي كما في المنتديات الثانيه ..

- تراهم بيعصبون عليك وانحن ماعيننا نفرع بهواك خارج نفسك .. مسالة يافلان ترد والا اروح اغلب الاشخاص غير متواجدين بالمنتدى كل الاوقات وكان بامكانك ان تراسله على الخاص لتستفهم منه هل هو معك والا مغادر فان رد عليك فمعناها متواجد وان لم يرد فمعناها خرج من المنتدى ..
بعض المشرفين يرى في ردك استفزاز ويمكن لهذا السبب حذف او غير ردك ...
مسالة حريم ورجال هذه غير موجودة في قاموس منتدى رباع نحن ننظر الى الابداعات وليس الاشخاص .. بريطانيا بجلالة قدرها والمانيا وغيرها كثير ترأسهم سيدة فماذا في ذلك .

ثانيا: في اعضاء مشرفين على بعض الاقسام ماقد شفت لهم ولا مشاركه ولا حتى تواجد ابدا وينهم ولا تمويه فقط بالاسماء ..

- المشرفين الذين لايشاركون بالمنتدى استعرض مشاركاتهم فقد يكون لهم مشاركات ومواضيع في منتديات اخرى ومن الافضل للادارة ولهم نقلهم لتلك المنتديات للاشراف عليها اما اذا كانوا متغيبين وليس لهم مشاركات ولا مواضيع من شهور فصدقني لو راسلتني او راسلت الاخ مشهور لالغينا الاشراف عنهم ولكن تاكد قبل الارسال ..
اما مسالة انه تمويه فمنتدى رباع ليس بحاجة للتمويه فلديه اكثر من 20.000 عضو ( وهذه احدى عيوبك ترمي بالكلام رمي ) .

ثالثا: منتدى الشكاوي والاقتراحات دورة له مالقيتوه وين دسيتموه اعترفوا ...

- منتدى الشكاوى والاقتراحات موجود وسنبحث مسالة عدم ظهوره لديك .

رابعا: بعض الاعضاء يعدلوا على القصايد مدري كيف يقولون بها رغم ان مالهم صلاحية اشراف ولا مراقبه وتطلع القصيده مكسره وتعود تعدل عليها وهذا الشي حصل معي والله ومن هذا الشي حسيت اني محارب بصراحه وتركة القصايد وش غرضه من ذلك الله اعلم ..اتمنى الصلاحيه تكون لااعضاء محددين واكفاء .

- وافني بالعضو الذي يعدل وساوقف عضويته فورا شرط ارسال الرسالة التي تفيد بالغاءه او تعديله لموضوعك .

خامسا: صور بعض الاعضاء غير لائقه وتوقيعاتهم غير لائقه لا ويجيك ينط عند الشعار ويعلق عي الحرام اني استصيب منهم ومن حركاتهم ...

- عليك واجب النصح راسلهم ونسأل الله لهم الهداية .

سادسا: اتمنى يكون في منتدى خاص للحريم وتمنع مشاركة الرجال فيه فقط يكون سواليف حريم وهذا موجود في بعض المنتديات وناجح بطريقه عجيبه وياكثرهنه في المنتدى وفي هذا المجلس جربوا وشوفوا ..

- المنتديات النسائية موجودة وهي ليست حكرا على النساء بل يشارك فيها النساء والرجال .. اما من يحب ان يضع موضوع خاص بالنساء فله ذلك ويكتب ممنوع دخول الرجال .. او موضوع نسائي فقط يمنع الدخول فصدقني لن يدخل احد . واذا شارك احد الاعضاء ومكتوب عدم المشاركة فسيتم الغاء تلك المشاركة . كافة الاشياء متاحة للاعضاء هنا في رباع .

سابعا: في اعضاء لهم قصايد رائعه وانا شفت واحد كتب قصيده ورد واحد ثاني ومشا في اقارعه ونقلت القصيده ولا عاد زاد جاء وناس غيره كثير وهذا القانون في المنتدى انفرهم صراحه وطلعوا من المنتدى اتمنى تعديله لانه غير ناجح بصراحه وسبق وعلقت عليه ..

- اذا كان دخل الى محاورات شعراء المنتدى وهو ليس بشاعر ولا يحمل لقب شاعر ونقلت قصيدته الى مكانها الصحيح فهذه مشكلته خالف قانون المنتدى ووحده يتحمل المسئولية .

ثامنا: مشرفي الاقسام اتمنى يكونوا فعالين ولي ماهو موجود شيلوه من الاشراف ليش تعطونه وهو ليس موجود .

- ستقوم الادارة بتكليف احد الاشخاص لمتابعة المشرفين وآخر لمتابعة المراقبين واستبعاد غير الفاعلين في الاقسام .

تاسعا: كل ماذكرته موجود في منتديات ثانيه وناجحه بشكل رهيب وغير متوقع .

- الله يوفقهم .. كل منتدى وله رسالة مختلفة عن الآخر .

عاشرا: التعديلات هنا في المنتدى بطئه جدا .... اتمنى من صقر الجنوب تعليق على المشاركه الاولى وما ذكرته هنا وعذرني يابو احمد اذا زوتوها بس والله العظيم فقط لاغير اني اسعى واتمنى ان يكون منتدى رباع من افضل المنتديات .

- نحاول دائما التغلب على البطئ بالمنتدى ولها اسباب عديدة ابتداءا من المستضيف الى الاتصالات وهناك عدة استايلات بامكانك اختيار الاخف منهم من اسفل المنتدى يمين . يمكن الازرق انسبهم اختاره وجرب .
تحياتي ..