إبن الجنوب=
*=
ماحد يكره رحمة المولى ولكن للظروف احكام=
ما ولا مخلوق مايبغي المطر بين الحضر وابوادي=
يسقي ارض الله ويصبح بعده الفايق يردّ الروح=
لكن إللي شافته عيني نهار الاربعاء في جده=
يخجل إللي مايحسّ وما حصل يندى له الجبين=
المدينه اللي رضا سكانها مايبصرون العينه=
ساكنها يامات من زود العطش ياأقفت به السيول=
من يصدّق من صلاة الظهر وانا واقفن في شارع=
تسع ساعات ادعي الله لاتطوّل لحظة الفرج=
تاهت أفكاري وكنّه مانزل هذا العقاب إلآ لي=
خلقة المحكوم يرقب ياقرار العفو ياالإعدام=
مالمح طرفي رجال الدوله مترجّل ولا دوريه=
ماوقف قدّامي إلآ بنقلاديشي ينظّم سير=
لا يكون العسكر اصحاب الحماس اقفوا ضحيّة واجب=
وإلآ ماجاهم خبر مايعلمون الغيب مايدرون=
مادام إنّا كلّنا في ذمّتك ياأميرنا ياخالد=
لا تسلّمنا لناسن يأكلون الهزل والسمين=
اللذي حب الدراهم والكراسي عندهم بالدنيا=
كل واحد مايهمّه غير يأخذ منصبن وجاه=
مايخاف ولا يحلّل راتبه راعي الضمير الميت=
إن شبع ياليت باقي الناس تهلك في ظما وجوع=
هذا بعض الشيء من ماريت واعتبره عتاب مواطن=
يوم وانا محتجز في ذمّتي ماريت بيتنا=