الله من جور الليالي ومن جور السنين=
كم تعب قلبي وهو يطرد الفايت وفآت=
من يداوي جرحي اللي تعبني فـ النزآيف=
يالله الطف بي وهات اليسر لي والهني=

كم نصحتك خل سيفك مع العالم سنين=
وين بيتقلى محبه وتلقى لك وفات؟!=
بين ناس (ن) تحيي المعرفه من فن زآيف=
آما غير وجهتك عنه والا فــ إلهني=

انا ما أعماني يكون النجوم اللامعين=
واغراني لون السماء واعتلى راسي لٌهات=
غير لو هي جات يابو سعيد على الشفايف=
سار من بعد العداوه محبه والفني=

حظي العاثر بينهض معي وإلا معين=
ود مرسولي لربعي و(ا) بمراسيل هات=
كلمة (ن) عيت لاتخرج مع همس الشفايف=
كم (ن) آعبر بها قبل موتي والفني=

انحن مع الناس كنا نسير مسالمين=
لاعداوه لا ضغاين ولاحتى دعات=
غير حبينا وسرنا في الدرب المخالف=
افتنيّ (ا)عن المحبه وع الخو افتني=

انا مدري قلبك آصبح لمن وآمسى لمين؟؟!=
صار لك منها قضيه وتهمات ودعات=
انته اللي اخطيت وانت الذي سرت المخالف=
غير صارحني ووش قصتك ؟؟ خوفتني=

فين هو قيس الملوّح ؟؟ وقل لي شينز أين؟؟=
صار للأثنين قصه وتعبه وآفتنآت=
غير يا اصحاب الهوى فالهوى ماشي نصايف=
وانا قلبي طاح مابين جنبي والحني=

ياسعد درب الهوى والمحبه شين زين=
انت لو ماناسبك فتوتي لك فــ افت نات=
مسلك اهل الشر جنبه وعن الشين صايف=
واستمع لاصرارنا والنصايح والحني=

قام يشكينا ويرمي علينا تهمتين=
بعد ذيك العشره ياكيف يرضى مظلمات=
عند قاض المحكمه قام يقصفني قصايف=
وانا ياغافل لك الله مدري وش دني ؟!!=

كان تبغى التين روّح وخذ م التهم تين=
وانتبه ياصاحبي تظلم .. الظلم (ا)ظلمات=
تهمتك خلت صدور العرب تغدي قصايف=
غير هات العلم وارفع بصوتك واشدني=

كان لي بين المدينه وجده مزرعين=
وكان جار المزرعه يكره الغُرب الهوات=
وانا ف الاسبوع آجي المزرعه مره وآ لايف=
من حدا الدمام ما احسب لتعبه والعني=

انت لاتلمح وتجلب لروحك مزر عين=
انتبه توقع وتهوى القدم ضمن الهوات=
اما خلينا قلوب العرب تغدي ولايف=
والا عز الروح في موت قلبي وانعني=

انت تتشمت وانا خاطري ضايق حزين=
كل ماجيتك تقل قبل تاجي بد هات=
صابني حمى وجسمي تعرته الرقايف=
راح حيلي يابن الاجواد وانعل امتني=

قبل لايقفي زمانك هدر ويروح زين=
كل حيله يابن الاجواد تاجي بالدهات=
كل يوم ارقّع الثوب ولا ادري ليش آقايف=
وانت تدري بالسبب غير ماعلمتني=

راح وقتي مدري اقل لمن وآناد مين=
اللي ما ساواه وقتك معي ويش السوات؟=
قفل الموضوع ماعاد نبغي له معارف=
قد سمعنا منطقك لي تني يا لي تني=

ويش حصلتم مع اهل الندم يا نادمين؟؟!=
انت تدري لاتقل ياسعد ويش السوات؟!=
الذي قد صار قد فات و(ا) عن العلم عارف=
غير ماينفعك يا ليتني يا ليتني=