حمي الوطيس يا زهــرااان
نكمل القصة .. أعيروني مسامعكم
و شــدوا الكمر فوق البطون ...فأني >> مقتحم جبال الملح وحدي
وأكثروا من ذكر ربي وربكم
وأسألوه العفو و العافية
وأن يتجاوز عنا وعنكم
كذا أستنفد صالح امن عطية كل محاولات وجهد لشراء الغنم ،
والنزول بها عند رفاقته ، ودفعها للتهامي عوض ن
في ركيبه اللي أعدمته غنمهم ، ويجب عليه النزول طوالي ولاعاد يبغى له يتلهوى عنهم ،
مرة
طبعاً العريفة بعد ما رجعوا من المركز .. أعدلوا ( مروا ) على بيت العريفة ، وشربوا لهم مصفاة قهوة
وقال العريفة : أعلمنيه ذاحين وش لقا بك الطائف
أنت ما نزلتم تهامة يا بوعطية ؟؟؟!!،
ابو عطيه بغى يتفرنك ويمشيها على العريفة
ولكن على مين ...> ذية عريفة ... يا به
رجل القرية الأول
والعين الساهرة رقم أثنين
والمتحدث الرسمي في المناسبات
داخل القرية وخارجها
عرس أو عزاء أو إصلاح أو دعاوية كيدية
يعني مولتي أسبيكر وعفاسة
وبدون اي مقابل مادي ( ليش يا حكومتنا الرشيدة )
وياليت يسلم من ألسنة كهيل الجماعة
وتعبة الخاااطر
(وشمعك يا عين الجمل أنحرق رزك على العرفاء لا يكون انك عريفة في أم رقيـبـة ( مزايين النياق ) عند البدو ... ونحن ما ندري )
يعني بتاع كله
يعني داهية ويعرف كل الحركات من كثر ما لجغت فيه الدنيا ولجت > لحمه مر ودمه ثقيل وعظامه قاسية
وسنونه تقول المساحي
و أصبع الإبهام مع السبابة كنها ابو جلمبو
من كثر ما يمر عليه أوراق إستدعاء من المحاكم و الشرطة
لجماعته و سُفان ارحااامه
ويحلها ويحل ابوها
ويرجع البيت يلعن ثوى كهلته
لأن ما معه قدره إلا فيها ولا يسمع كلامه اللي حبيبة الكبد
والفشافيش ووورد
اللي ابغى أقوله لكم يا حباني
أن العريفة أنتكت الخريطة كلها .. وابوعطية فتح الصرار وصب
السالفة كلها شردة التيس ...ودعرة الغنم
والتهامي وطلاقه .... والحضري ودواسه
والسوداني و مذبحة الغنم .... يعني من طقطق إلى سلام عليكم
فوق فراش العريفة ،
والعريفة ماسكن رأسة بيده اليمين
من ذية الحظ والمشاكل
وايده الثانية فوق بطنه
من الضحك على ابوعطية ومما جرا له
في سفرته
ويوم خلص من نشرة الاخبار بالتفصيل
قال العريفة : أستغفر الله العظيم
وليش يا الرخوم يوم تناشبت بينكم وبين التهمان
ما طلع واحد ن منكم وعلمنا ... واندرنا معكم وطوفنا وشفنا الخلاف في بلاد التهامي ،
وخذنا وأعطينا مع الرجاجيل
انبغوها بالريال ، انحن حاضرين وحقهم
وأنبغوها بالعقال ... والله ما نعذر فيكم ولا في نفوسنا
وآنا نأخذ معهم بجهدنا ( يعني بيخبط التهمان )
العريفة > ( راعي حمايا وعيرته > ملقمها قشر ، من صفقة وغزلة وشجاعة في راسة وشيمة ونخوة وعباطة ...
والشيء بشيء يذكر
يوم مرض قبل 7 سنوات وراجع مستشفى الباحة
وعملوا له اشعة مقطعية لرأسه
عشان كان يشتكي من حنمة و همهمة فيه
كل تيه اللي قلتوها فوق طلعت في الأشعة
الشيمة والنخوة ....
وتعجب الدكتور المصري ( يخرب بيتك يا زهراني )
وسوى رسالة زمالة كندية في راس الزهراني
هذا الكلام قبل 7 سنين
وش حياة ذاحين أكيد زادت جهدا خاصة تعقيد الأمور و العباطة ،
المهم مغطّنا السالفة
وهي ما تستاهل كل ذية الملح
المشكلة اللي تتعب و ألم القلب هو إنتظار أخوياه له
في تهامة ،،
أحمد امن شريفة
أسمه كذيه مات ابوه ويتمت عليهم أمهم حياة الكهلة شريفة
وأستسمى هو و أخوته باسمها
وإلا أبوه معروف وبيت كرم شجاعة
وهو مرشح لتولي منصب العرافة بعد ما يموت ملقمها قشر ... إلا بدون منافس
أو حزب معارض
( لا حد يزيد يقولها في المنتدى تراه يضيق منها )
اما خرمان فالرجّال نشمي وراعي فزعات
ويحب المزح ...
بس إذا جيم عنده التفكير
اللي دعت عليه امه ذاك اليوم يقابله ذاك اليوم
وعيرته > لقمة الثور .. لأنه رجال قصير ،بتره
انتبهوا تزيدون تقولونها له
تراه أيسر وكف الأيسر معروف فوق الأذن اليمين
كان يسرح بالغنم يوميا ً ويبتعد ويتقرب من السراة
وخط السيارات يمكن حد ينقل له خبر أو شاف صالح امن عطيه
والشيء بشيء يذكر
هو يتمعرف في القصائد
ودائم يتعلق في قزعة عندهم ويقول قصيدة معه في صالح وحياته يوم كان عسكري ... وتعرفون زمااان
كانت القهوة ( المقهي ) هي الفندق والاستراحة و المطعم وأستقبال المسافرين و أخذ الرسائل منهم
خاصة عند ربعنا ... أصلاً مافي ملتقى غيرها
يقول فيها
ياللي مسافر على مكة وذيك القهاوي
بوصيك لآشفت صالح لا يبطي ويقعد
وقهوة الحضرمي و المدعا لا يجيها
إلا وهو رابط القايش وراسه بريهه
يا ليتنا ما تعسكرنا و نمسك خفـارة
يكون نقرأ من الختمة وصلي فروضي
جوف الحرم مثل من جانا على سكة البحر
وارتاح من صحبة أحمد والتهامي وصالح
وهذي نهايتك يا خرمان زي الكعوة
لا دشروها على الوديان بين الجعارة
و أستندروا حلسها لاراح وقت المكدة
يا غبن قلبي على ذاك الثفر والـزعامة ،
وين شعراء المنتدى يردون في تيه النادرة
إذا واحد تبرع بالرد جزاه الله خير
بس يجيب معه عطيف ن ( فأس ) عشان يشقرها
وينتبه لساقه لا يزيد يهبد بالعطيف فيها
ويآهب لنا طلبه مع صقر الجنوب وإذا فيه كلمة صعبة مثل كلمة ( الثفر )
انشدوا الأخ زهراني كح أو المشرف العام صقر الجنوب
ـــــــــــــــــــــــ
ـــــــ