صراحة احيانا وليس دائما ، لآن احيانا تفيد القليل
ودائما تفيد واجد ، وبينهما فرق كبير لا يستهان به
والذي يستهين به ما عنده سالفة في اللغة العربية
ولا يعرف في المسافات و المقادير
ونظام ساهر صايده صايده
احيانا اجلس امام التلفاز لمشاهدت وقراءت الشريط الاخباري
والأشرطة الاجتماعية و العلاجية والشعبية
التي من كثرتها في بعض القنوات يصفون أربعة فوق بعضها
الله من الدراهم اللي يهبشونها من جيوب وأرصدة المغفلين
والمغفلات
صرن أغلب النسوان يراجعن عيادة النساء وش جاب عيادات النساء قصدي عيادة العيون ، والبعض تقول ماعد فيه حيل اسوي
لكم عشا راسي يضيمني ... كلموا المطعم يجيب لكم عشا
وتلقاها تبلع في البندول والسبب شريط قناة ( ؟؟؟؟ )
وشوفوا ماذا شفت بعيني التي بعد يأكلها الدود
بعد عمر طويل على طاعة الله
تكفون الحقوني يا بنات خطبتي بعد شهر وماني عارفه
وش ألبس ( أرتدي ) ؟؟؟!
واللي بترد بدعي لها !!
ترد عليها وحدة وتقول
روحي لمجمع ( ؟؟؟ ) وبتحصلين مشغل فيه واحدة اموووورة
اثيوبية عليها شغل بيجنن وبسرعة
ادعيلي عند ولادة بعد 10 شهور هههههه
والثانية تكتب تقول
زوجها ضربها كف وش الحل معه ؟
أكلم البابا ؟
أكلم الماما ؟
أكلم صديقتي ؟
أكلم لجنة العنف الأسـري ؟
واللي بترد عليها
بتعلمها بوصفة تخلي الرُكب السود وردية
والدغاغ ثلج والمشية غزال شارد
والصوت ميادة الحنااوي
اما القنوات الشعبية التي لطوال الشوارب
والمسابح (مسبحة )
طبعا الثوب والشماغ أول لبسة
اما الداخلية النظافة زيرو
خذ لك من الكذب و المبالغة و العنصرية و التملق
ما يعجز الوصف عنه
ويصيبك بالغثيان > كنك ماسك خط جلد داخل مرمى بلدية
والغباء و الجهل هنا وهنا هو سيد الموقف
متى نشوف شعب فاهم ، شعب ما ينضحك عليه
وليس بهذه الدرجة من السطحية
صدقوني أن بعض التصرفات والكتابات ما يفكر وما يسويها المجانين
صحنا من الكتابة على جدران الحارة ودورات المياة التي تكتب تحت ستار الخفاء و الخجل والجهالة
اما في القنوات جهاراً نهارا ً ... لا وبعضهم عنده معرف رسمي
وردة الزقوم > بنت
حمار الورد > شاب
شقح الكلب > ولد عربجي
عسل النمل > بنوته
نمل العسل > ولد راعي غزل
الشروة > واحد يتريق
العاسلة > واحدة تسوي أغراء
عاد المرعب ومحطم قلوب الكهيل > ابو جعران الذهبي
هذا إذا دخل الشريط كل الشات يولع إلا قُل يشبه
وش فيها الطبشورة في تيه امشاركة ابت تبيح
شكلها من بضاعة أصلية داخله السعودية بالغلط
واصابيعه قامت تطقطق ،
فنجااان قهوة