اخي عين الجمل
دائما مبدع في كل شئ
في اسلوبك الراقي في مواضيعك الشيقة
اللي تجذب القارئ غصبا عنه يتابع مواضيعك ويقراها للآخر سطر
ترى من اول متابعة معاكم
بس قاعدة ادور طباشير قلت يمكن الاقي من هنا ولا هنا
ما لقيت
غير اصغر قطعة قلت يالله الحق اكتب اقصد اشخبط كم كلمة
على طاري الشخبطة قلت ابغى اتكلم عن عاادة اصبحت موضة لدى السيدات
وبمعنى اصح بنات صغيرات السن
اللي هي شرب المعسلات وانواعها ونكاهاتها
اصبحت موضة ان البنت تشيل معاها شنطة تجذب الأنظار
تحمل ما بداخلها من ارقيلة تتباهى فيها قدام صحباتها
ولا نوع المعسل فروالة ومشمش ومنجا وتوت .... وما الى ذلك من انواع النكهات
والمشكلة الكبرى ان معظمهن بنات في مقبل العمر صغيرات في السن
واللي زاد الطين بلة تلاقي الأم تعسل هي وبنتها والضحكة مالية الوجه
فرحاااانة حضرتها بنتها في طولها وقاعدة معاها كأنهم صحبات
ابغى اعرف ايش هذا الشئ اللي افتخر فيه واتباهى بيه
اضر صحتي وسمعتي قبل كل شئ
يعني صارت الوحدة تخرج من غير رقابة
يا معسل يا دخااان حتى شيشة الجراك ما خلوها
ايش باقي يا أمهات .. حرام والله حرااام
شئ يوجع القلب ... الا من رحم ربي
لي عودة بس بروح المكتبة اشتري علبة طباشير
ما شاء الله عليكم خلصتوها كلها
واللي يبغاني اشتريله يقلي مو بعد ما اشتري يجي يقول اعطيني معاك
والله تفداكم كل الطباشير وما تغلى عليكم ســــنه