اتخذ قرارك واختر عقارك
تمويل عقاري
ايجارك منتهي بالتمليك
لجميع الموظفين والموظفات والمتقاعدين والمتفاعدااات
عروض واعلانات سمعنا بها الكثير وتعبنا منها
لا يقل الراتب عن عن 5000 الآف ريال
طيب بعد هذا كله المطلوب للتقديم
آآآآآآآآآآآآآآآآآآآآآآآه والف آآآآآآآآآآآآآآآآآآآآآآآآآآآآه
تتصل تسأل ويتعطيهم بياناتك الراتب لا يقل عن خمسة الآف اوكيه
متقاعد .. اوكيه او موظف حكومي .. طيب
واذا شركة خااصة لازم تكون معروفة خلاص عرفنا طيب وبعدين
يجي الموظف بعد ما ياخذ كل المعلومات اذا متقاعد يقلك والله ما يعطوه اقل شئ يكون راتبه
عشرة ألاف ريال هههههههههههههههه شر البلية ما يضحك
ولا الشركة الثانية تقول ممكن تعطيك 300 الف ريال لمدة 17 سنة
طيب 300 الف ايش تسوي وايش تجيب في هذا الزمن
ولا الشركة الثانية شقق ايجار منتهية بالتمليك بدون دفعة ولا كفيل ولا تحويل راتب
البعض منهم يكتب ايجار شهري 1700 ريال
تجي تستفسر يطلع الكلام مخالف عن الأعلان
وبعدييييييييييييييييييييييييييين
فين نرووووووووح
ونصدق مين
طيب ليه اصحاب العقارات اللي يبغو يبيعو عقاراتهم بالتقسيط
ليه ما يسهلوها على اللي يتمنى سكن له ولعياله
ومستعد يدفع ايجار بمعنى اصح اقسااط شهرية اقل شئ يتملك في الأخير
طيب انت يا صاحب العقار خلينا واقعييين
انت في كل الحالات ضامن حقك بعد الله
الصك بأسمك وتستلم اقساط شهرية يعني ما راح تفر غ الصك الا بعد انتهاء
الأقساط المتفق عليها ... صح ولا لا ؟؟
طيب اللي مسكين قاعد يسدد كل شهر وعنده امل انه راح يتملك في الأخر
كيف راح يضمن ان صاحب العقار ما يقله ما لك شئ انت مستأجر عندي
لا تقولو في اوراق واثباتات
اقلها يقلك روح بلها واشرب مويتها
طيب
لمتى لمتى لمتى
واحنا على هذا الحال
ايجارات هلكتنا واسعااااارها فوووووووووق ناااااااااار
ما اقول الا اللي في قلبه طمع وما يفكر الا في عمره وراااحته
واهم شئ انه يكسب
اقله راح يجي يوم وتتمنى وااحد يجيك ويستأجر عندك
واحنا لنااااااااااااااااا الله ما حدا سوااااه
ادري طولت عليكم
خلصت الطبشوووورة
الله يعينكم جيبو غيرها