السلام عليكم ورحمة الله وبركاته
اليوم طفشانه وماعندي خرجه ولا عزيمه ولا سوق ولا نفسي اروح ولا ابغى احد يجي عندي حتى الشاهي والقهوه والماء ماعندي ماعندي منها شيء ذابحني الجوع والعطش والكسل والنوم بعداوووف

لا تشرهون علي تراني اشخبط على سبورة المجانين يعني اللبيب بالشاره مايفهم ولا طبحلسه
هههههههه
اكمل لكم بس لا تقولون عني ثرثاره انا كذاميه ميــــه
وانا طفشانه جلست افكر ليش المرأة دائما يقال عنها ثرثاره ونكديه فكرت وفكرت وفكرت ماعرفت السبب
وبينما انا افكر قلت ليش ماصير ثرثاره ونكديه وش تسوي يابنت وش تسوي يالولي ادلع نفسي
هههههه
امسكت سماعة التلفون طبعا عندي خدمة جود وهي افضل خدمه من شركة الاتصالات واخذت اتصل على فلانه وعلى فلانه وسوالف والي اشركها معنا في الخط وتبداء الثرثره فلانه تطلقت وفلانه بينها وبين زوجها شوية مشاكل فلانه زوجها خطب وناوي يتزوج فلانه زوجها سافر خاج المملكه بدأت الدروس المجانيه والنصائح هاااه يافلانه انتبي لاتصيري مثل ام محمد انتبهي لزوجك نتفي ريشه لا تعودينه يسهر برى
خلي شخصيتك قويه ترى فلانه تزوج عليها زوجها لانها كانت تطيعه الرجال مايحبون الزوجه اللي مالها شخصيه خلك قويه سوي نفسك حره اطبخي مالذ وطاب واعزمي اهلك وجميع اقاربك
غيري الاثاث الزوج يحب التجديد
رفهي عن نفسك لا تخلين منتزه ولا سوق ولا مدينه ماتزورينها لا تخلينه يجلس لوحده قدام الكمبيوتر سوي اي شي علشان تبعدينه تراه مايدخل الا لسوالف والدردشه انتبهي لا تكوني مغفله لا تقولين مانبهناك
لا تروحين تنامين الا وهو قدامك السهر يبعده عنك...
سواليف ياكثرها وثرثره مالها نهايه
طبعا كل وحده حفظت الوصيا وفتحت اذانها وبدأت في التطبيق واشتغل الزن والحن والقن والنكد والثرثره الزوج مسكين ماعاد يعرف وش يسوي
لا راحه في البيت ولا العمل وين يروح وش يسوي الجيب خالي والبيت مليان ضيوف الزوجه هات وجيب واعطيني ماتكلمه الابلغة الاوامر
يالله مسكين
يتزوج مره ثانيه ويفتح بيت اخرى وينجب اطفال طيب وش اللي يظمن له ان الزوجه الثانيه تصير عدله ماتحب النكد والثرثره
كيف يصرف على بيتين طيب اذا الثنتين اتفقن عليه وش يسوي
المهم احتاس مسكين ماعاد يدري وش الحل
يتعلم الثرثره والنكد ولا وش يسوي
ضعت ماعااد اعرف وين وصلت ياشين الثرثره اقول لكم بعدين اكمل القصه واروح ادور لي وحده ازن في اذنها
ههههههههه
مجرد ثرثره على سبورة المجانين