عـــــــــــــــــوافـــــــــــــــــــــــي
عجبتني بالصوت ماهوب بالشوف
صحيت جرح داخل القلب غافي
فكيت شيخ بين الاضلاع مكتوف
حسبي عليك ان كان تنوي اتلافي
من هرجك الي ماصنعته من حروف
لاعود ولاقيثار لاهو قوافي
به صوت مي وطير وانغام عازوف
ناي تلاعب به انامل اخفافي
ذكرتني حب مضى ماله اوصوف
حب سفافوقه من الوقت سافي
لاحي لاميت وانا فيه مكلوف
مذبوح والجاهل يقول امتعافي
ياحسرتي ياشيب عيني من الخوف
امن الليالي المقبلات الخوافي
اخاف تبلاني وانا الطرف مطروف
ويكون درب الغي تالي مطافي
ارجوك لا تقسى ترى داخل الجوف
تسعين جرح داميات اكلافي
ادري لك اظروفك وانا عندي اظروف
متشابهين واعســــــاها عوافي