ولعون ولعوووووون ...والسلامه ....الحمد لله في اراضينا والله هادينا ...لا

عريض ولا مريض ....الا هليل معي ودي أعلمكم به ...قصة حصلتلي أنا

وومي ...اخذني ضيمها ...بيييييييييي عن وجهها...

في أحدى الاجازات ...رحنا الديرة عند جداني لامي ...قلنا نغيرجو

عند جدي بيت حلوالبيت مطل على مزارع وفي البيت حوش وسطحة يهول


الاهوال مطل منه يأخذ العقل المهم أول ما وقعنا أنا واهلي في القرية توافدوا

علينا صدقان جداني من كهيل ونساوين معفين ومقفين ويسلمون على اللى

جوا من المدن البيت تقولون انه سوق كلن يدخل في أي وقت وفيه بعضهم

ملا يدف باب الحوش بريله ويدخل علينا - وحن في الحوش نكون على قهوة


وشاهي ومكسرات الا ما يسمع الا مصايحتنا دخل الرجال دخل وهو يشوفها ملا


العوافي وجداني أرحب أرحب حياك ...ونشتل أعمارنا أنا وأمي وجوه داخل

البيت وكل عصرية على ذا الطريقة لان من قد الكهيل يحبون الباب مردود ...وفي

الصبحيه يجونا بالفطير اللي اخذ عقولنا من طعمه ولذه فيه ...ملا ناكل في هذا

الفطير طولنا وطول يومنا ياومه يا حباني من طعم فيه في حياتي ..


من قد أن أمي ..أخذني ضيمها ما تعرف تسويه تدلعت مع حريم المدن وفي

ذاك اليوم ما قرينا الا بخالي دقلته علينا تقولون انه من السماء وجا عندجدتي


وقلها هيا يا ومي عندك موعد في المستشفى العسكري ...قالت: جدتي

ياواااااابه ..أسير معك واخلي ضيفاني قال ملا العوافي أيها بنتك وذريها إلا بعد

أحلا يهبون قلبهم في بيتك وعلى غروسك اللي معك في الحوش قالت

جدتي :ياوووووومه واللته ماسير ...مذا وأروح له عند الدخاتره اللى يفصصون


كل عرق وعصبه ..ويعصرون فيه ويستخريون مابي من دم امتصوا دمي

ودسمي كن ما معهم الا أنا اوووف لعنهم لاوووووووووه لاوووووووووه ما

بافلح فجاء خالي عند ومي قال: ساعديني بها فقعدت أمي عند جدتي وخذت


تقنعها من أخذني موتك وعيييدك وبيييييييعنك وطعني عنش المهم اقتنعت جدتي إنها

تروح لمراجعتها بعد شق الأنفس وعدينا زهبنا لها شنطتها حقت ثلاثة أيام


وأشتلهم خالى وقلبهم بسم الله الرحمن الرحيم خليي علينا البيت أنا وأمي

وجلسنا في العصرية إنتقهوا فطالع في أمي بنظره


حماسية وقلت :أمي أمي قالت ماااالك قلت ايش رأيك نسوى فطير زي العرب قالت أمي هااه ..

منا ما نعرف له قلت : الشغله بسيطة ...زي ما قالت لنا ... نسوي العجينه ونلبقها

والسلام تحمست أمي للموضوع ودنا نتعلم وما يشوفنا احد شمرت عن ساعديها

وعدي نسوي العجينة وخلتها تخمر شويه وعدينا على غرفة عند جداني فيها

أغراض العزايم من قدور ومركبات واسطوانات غاز ..وعدة صيد وعدة بحر

هههههههه رحنا قلبناها ....قلبناها ...قلبناها ...الين استندرنا الميفا حق جدتي

بببببببببببببببي عن ويهها وعدينا شبينا فيه في الحوش شبينا شيبنا وحطينا خشبة قد


ايش كبرها عشان الفطير فعدينا على العجينه الا منعكم ومنع السكون نقلبها يمين

فنفلتت شمال ونقلبها شمال فنفلتت يمين زيد نبغى ندخلها الميفا إلا هوه


حاااااااااار ما قدرت امي تدخل يدها - ما قلت لكم انها تدلعت أناقاعدة بس

أشجعها ..المهم حاولت أمي شي طاح على الجمر .لانها ما مسكت وقمنا من

زود المهارة جبنا لحمة وتبلناها وحطيناها فوق الجمر كيف ما ادري غطينا

الميفا السحااااابي ذي ...وقعدنا شوية لين ارهينا انه قد استوى ..ام نكشف الا يا

عار العار الا كنهم سكون محروقين من شدة القرايه عليهم اوووووه ونحن


على هذ ه الحالة مذهولين من هول ماشفنا ومتلايمين على الميفا إلا دقيل شغالة


خالتي السُكنيه وما درينا عنها قالت : ايس فيه أنا وأمي خرعة حسبناها الفطيرة

تكلمت من الميفا ؟ ما ادري ايش كانت تبغى شافت السكون اللى في

الميفا وراحت قالت أمي اووووووووه لازم نعطي خالتك من ذية قلت ياومه كيف

نعطيها وهوه محروق قالت ما عليك المهم امي اشتلت لي شكله مقبول عشان تبين

لخالتي إنها فارسة وما خلت الا الذاهبة المحروق يستنفر السكون ما ينأكل

وخلته لنا عودنا تقضمنا اللحم على الفطير كنه حطب واللته واللته ان حطيمه حطيم

في اثمانا :يابس فعديت أطفيت الميفا السحابي ذيانه بالماء مشتليناه وحطيناه برا

الحوش في معفى لجدي بجنب سقيفة فيها حطب وبعض القشاويع وذاك اليوم

هوى هوى (نجدي ) يستخفي العقول ..تقولون انه بيشتل الواحد من الأرض...

عدينا أنا وومي انسدحنا في غرفتنا وفيها طاقة مطلة على الحوش قزاز ونمنا

من تعب فينا وويوم جات الساعة ثلاثة أخر الليل ...قامت أمي ..

إلا اووووووه يادهره تشوفها أمي من خلال القزاز حق الطاقة أثاريني ما طفيت

الميفا صح مع إني سكبت عليه قربة مويه بس حكمت الله شقت القربة

واللي ساعد على اشتعال النار الهوى الرياح النجديه برهت على الميفا ام

نفخت فيه وشب الميفا وأكثر ماخلاه يشب الخشبه اللي حطيناها في أول

العلم لانا ولعناها ويوم جمر نصها طلعناها براء الميفا ولما خلصنا دخلناها فيه

وصبينا المويه المهم ام شبت نار ما يعلم شانها وقدرتها إلا جليل الملك


والعظمة فصحيني ياومي بنت بنت ,,,اووووووووووووووه قومي . .قومي...

اووووووووه ... اووووووووه ياخيلي ..قمت من النوم وقلت ماذا بش خليني


ارقد قالت: الا قومي قاموا في عصبك راعيت ضيعة قلت: اشفيه قالت قومي يا

ممصوخه شوفي ام التفت على الطاقة إلا اووووالنارمتنافرنا وخرجنا من

البيت بشراشف صلاة ورحنا على النار ..واللته واللته ..أن شافوها اللي على

الخط العام من قوتها وكبرها وبجنبها حطب وقشاويع وسقيفة جداني المليانه حطبان

وقش و المعافي واللته واللته ان بغينا نحرق القرية وان بغى يجي فيها علم ما

يعلمه الا الله .- وكل هذا عشان فطيره سوينها وحبذنها سلمت وزانت - فعدينا

كبينا تراب ومويه ونبغى ندسه من العرب كفايه اللى شافوه


وكوود كووود الله إنها انطفت النار ولا عاد طب في عيونا النوم وأصبح

الصبح وقعدنا في البيت قلنا أكيد ا ن أهل القرية شافوها ونشمشم

الأخبار وقعدنا الين العصر والحمد لله أن ما احد دري ...


ومن بعدها حرمنا إنا نمسك ميفا ولا نهوب عليه ياومه ياومه بدتله من ميفا .

فحاصل المراد : اللى ما يعرف يسوي فطير لا يتملقف مثل القصة السالفة الذكر

واللي ما يعرف يسوي ضيعة وكان عند جدانه فيسويها في الغبا لا يسويها

والناس تشوفه فيخلونه ع كل .


لسان واذا سويتوا شي مثل فطير مثلاً فلا تشتلونه وهو حار عشان تدسون

فضيحتكم النكراء.. .


وأخيراً ياغريب خلك اديب ...ودمتم