ماهوب قلب اللي بصدرك .. طرنبيل=
لا لا .. ومن فوق الطرنبيل أناني=
لا لا حشا لله يافتنة الجيل=
ضيّعت لك ماقد مضى من حناني=
عوّدت قلبك يعشق الحَطّ والشّيل=
يحطّ الأول يوم .. ويشيل ثاني=
يومين حتى يسمع القال والقيل=
ويعاود الكَرّه مع الأولاني=
مَرّه مع القمرا .. ومَرّه مع إسهيل=
يعني ويعني .. بسّ وش هالمعاني؟=
أعوذ بالله من قلوب المهابيل=
وأعوذ بالله من فلان الفلاني=
لعبت بي فالحب لعب البرازيل=
كم منك تمريره وكم قووول جاني=
يابن الحلال أرجوك ماعاد بي حيل=
تراني .. أنزف دمّ قلبي .. تراني=
وأسجم دموعي من محاجيرها سيل=
كفايه اللي صابني من زماني=
اللي رُماني بالهوى طير أبابيل=
واللي أحبّه نفسه اللي رُماني=
أنا الورود اللي على شاطي النيل=
يبقى مُكاني مثل ماهو مُكاني=
حتى الهواء يمسح عيوني بمنديل=
مدري عشان العين ! .. مدري عشاني !=
***