ضيّعت عمري لك محبّه وتشبيك=
ولا زلت أحبك موت .. والعمر ضايع=
تمضي سنيني .. والليالي دواليك=
وألقاك في عيني زريف الطبايع=
هذي تجي سنْعه .. وهذي تجي هيك=
وهذي فجيعه مثل كل الفجايع=
وإن صار في قلبك من الظن تشكيك=
أهجم على قلبي وشنّ الوقايع=
مدري وش آسمّيك؟ لو جيت أسمّيك=
آية جمال .. وروعه من الروايع=
ماآقول : غير الله من العين يحميك=
إنت الأساس... وكلّ جيلك تبايع=
والله ماأشبع من وصالك لوَ آجيك=
أجيك ميّت جوع .. وأروح جايع=
ربي خلق فتح الشّهيّه بياديك=
تذوب روحي في يديك وتمايع=
حتى السحاب يمدّ كفّه ويسقيك=
مثل المودّع يوم ردّ الودايع=
ياللي طلوعك للهدا بالتّلفريك=
علّمتني سِرّ الورود الطلايع=
تلومني بالله لوَ آمووووت أنا فيك=
من حُبّك .. آنا أحبّ حيّ الشرايع=
***