صباح الحزن والدمعه .. صباح البلبل الشادي=
صباح اللي على فرقا مواليفه بِكى حظّه=
صباح الورده اللي تحتظر في آخر الوادي=
بعد جتها رياح الصيف بالمخلاب منقضّه=
على طاري صباحاتي .. صباح اليوم مو عادي=
صباح اللي عن أحبابه يردّ الطرف ويغضّه=
عليك الله .. وش معنى صباح الفُل والكادي؟=
أقوله وأرتجف وأضلاع قلب الشوق منخضّه=
عزاي إنّي معك جرّبت موتي قبل ميلادي=
من أول يوم وعيوني بدمع الحزن مكتضّه=
ولاجيت آخذ إبثاري .. تركت الثأر لأولادي=
أريدك بسّ تستغفر لذنبك .. وأصبعك عضّه=
على قول العرب : ظالم .. ويبقى الظالم البادي=
وإذا قلبي مدوّر للرضا .. من واجبك رضّه=
نوادي واجده للحب .. ماسجّلت في نادي=
أشوفك من ذهب صافي .. وأشوف الناس من فضّه=
حبيبي ويش مستكثر عليّه ؟؟ جوّي الهادي !=
أنا ماقلت : هذا هو صباح اللي بِكى حظّه=
***
ووورد ووورد ووورد