جال المحبة يشتكي من كثر مسهر عليه
والمدامع وسط عيني مابقى دمع(ن) تهلّه
.
الولع في وسط قلبي بالمواجع شب فيه
لانظرت احلى البنات طار قلبي من محلّه
.
مثل طير(ن) في سما نجد والمحابل تحتريه
هو ودّه بالفريسه مير خوفه منحبلّه
.
انا ابغى من يدواي وقال لي الدكتور ليه؟
قال لي انك سليم وقلت يا دكتور لله
.
البلى في وسط قلبي شف ملّي مبتليه
قال مشكلتك كبيره وهذا والله صعب حلّه
.
لعنبوا رمش(ن) ظليل وكل حاجب يعتليه
لو عيونك في عيونه والله انك ما تملّه
.
ولعنبوا خصر(ن) نحيل والعباية تكتسيه
هذا هو من تل قلبي وحط لي في القلب علّه
.
ياحلو بيض العذارى ياحلو ذيك الوجيه
منظر يزوّد جروحي ويزيد لي في الطين بلّه
.
البنات جنّنني واتركن عقلي يتيه
حسبي الله عليهن ياجماعة حسبي الله

اللي عجز في عسفها
شيوخ وقررروم
اطلق شنب يبطي عظم
يحلم يمس ارشانها