عمل عصير الكوكتيل سهله وانا اسويها بالبيت

اول شي المقادير

فراوله مثلجه ومنجا مثلجه وهذا طبعا راح تلاقينا في السوبرماركت

اما الموز طبعا طازج +حليب

سكر حسب الرغبة + ثلج

اولا نقوم بعمل عصر المنجا
نأخذ قطع منه ونضعه في الخلاط ومعه 1 الى 2 كأس من الماء طبعا انتي راح اتشوفينه عند الخلط
يعني لا يصير عليك ثقيل حيل و لا خفيف ,, انتي تتحكمين بسمكه
اوكي واذا تحبي تضعي بعض السكر فهو على حسب الرغبه لان المانجا تكون فيها حلات اصلا
المهم عند الخلط تروحين وتسكبين العصير عندك في جك العصير زين بعدين الفراولة نفس الشي تخلطينها وتفرغينها في جك اخر على حدا
وبعدين يجي دور الموز اللذيذ ونضع معه الحليب 2 كوب تقريبا ومعه الثلج وسكر
وتخلطيه عندك
وخلاص
وهسه تجيبين كأس العصير واول شي راح تصبين عصير الفراوله لانه اثقل شي وعلى ان تكون طريقتك في الصب هو على طرف الكأس تصبين العصير شوي شوي لما تكون عندك مثل الطبقة بعدين المنجا نفس الشي واخيرا الموز راح يكون الموز فوقهم وما راح ينزل ويخربط عليك العصير وراح يعطيكي منظر حلو كأنه رسمة فنان

وبعدين لاتنسين الماصه وزينيها بحبة فراولة فريش عندك أو حلقة كيوي تعطيك منظر رائع
وبالهنا والشفا
جربوووووووووووووووووه ما راح تندمو