مرحوم ياللي كل ما حـل طريـاه
تدمع عيونٍ مخلصـا لـه و تبكيـه
ماحدٍ يلوم الشعب يوم اشهر بكـاه
و محدٍ يلوم اللـي تغنـا و يرثيـه
ابو اليتامـا دايـم الخيـر مسعـاه
عون الضعيف اللي زمانـه معنّيـه
سلطان سلطان الفخر مالـه اشبـاه
سلطان خيـر و طيبـاتٍ مباديـه
كم من فقيرٍ حطّـه الوقت..واغنـاه
اغناه سلطان الكرم و اعتنـا فيـه
واصلح ذوات البين بالمال و الجـاه
و على حسابه كم مريـضَ مودّيـه
لاحدا الدول لن كان ما حصل ادواه
يلقى علاجـه بـاذن ربٍ يشافيـه
وجهه بشوش وتنفق الخيـر يمنـاه
سامي على العليـا بعـادٍ هقاويـه
الابتسامـه تفتخـر فـي محـيّـاه
يفرح بها الصاحب و يغضب معاديه
والله نحبـه واشهـد انّـا فقـدنـاه
وبجنـة الفـردوس يالله تجـازيـه
شافي القويسي الدوسري