قصيدة << البترول >>

كلها منـك لـولاك انـت مـا عندنـا شـيء اختلـف
كلـهـا مـنـك يالبـتـرول والا فـمـا كـــان انتـقـدنـا
مـا يكـن مجتمعنـا خيمـة وبـيـر بـتـرول وجـمـل
يـدم اجدادنـا المدفـون يـا مرخصـة ينبـاع دمهـم
يـادام الارض ياواقـي متـى ينتهـي هـذا النزيـف
يا مـن شوهـت سمعتنـا وطمعـت فينـا الطامعينـا
يـا مـن اسقيتنـا سمـا زحاحـا قتـل فينـا الضمـيـر
ان قمنـا قالـوا البتـرول خـذ بيدهـم وتعنـزوا لــه
وان طحنـا قالـوا البتـرول هـدم بـنـا لـيـن طــاح
يامن هزيت عرش الله بعصيـان وقطيعـت رحـم
يا من عبتنـا الدينـار والحـم الابيـض ةالخمايـص
يا من اعتقت من يدنـا المماليـك واصبحنـا رقيـق
يامن حفظتنا عن ظهر قلب امس كنا وامـس كنـا
يا من اقسمت لخرجهم من ايامهـم صفـر اليديـن
ما دام القبه الخضراء ومن حولها العشر المناير
مـــا دام الـبـيـت الاسـعــد وزمــــزم والـمـقــام
مـا دام انـا سعودييـن والحـكـم بـيـد اولاد مـقـرن
ما دام النور والفرقان والشمس تشرق مـن بلدنـا
ان تجي مرحبا والا فرح غير مـا سوفـن عليـك
مـا دام انـا سعودييـن والحـكـم بـيـد اولا مـقـرن
مـا عليـك الغبـون ولا علينـا مـن الدنـيـا خــلاف
ما دام الادمي بأصله وفصلـه ومعروفـه وطيبـة
رح بـدولار والا بـالـف دولار والا رح بــلاش
مـا علينـا مـن البـتـرول والــي يـصـارخ بثمـنـه


قصيده في زواج لاعب نادي الاتحاد السابق الكابتن << خميس الزهراني >>


مرحبا واهلين يالليي لفوا محفل خميس
ياخميس ابغي اوصفك والا وكلٌ عنك داري
فارس في العميد وفارسٌ في صفوف المنتخب
منتخبنا حصان الرهن في مهرجانات الرياضه
يشهد الله ويشهد منديالاتها واسيادها
بين كف الضراعه وابتهالات الاصوات الهواتف
واجتهاد الصقور الخضر يتحقق النصر المبين
وعميد النوادي يرتقي من بطولة في بطولة
كل موسم ونادينا يتوج بطل والا وصيف
نادي العز يتوشح بصفره يجاورها سوادي
خذ سواده من البترول والصفر من لون الذهب
نادي الاتحاد آعيش واموت وانا عاشقٌ له
شاقني داخل الملعب عميد النوادي شاقني


قصيدة << الرد على من اسمى الجنوببين ارهابيين >>

ياسلامي للجنوب وشرف الله ديرة الجنوب
ان شا الله يا حظكم يا هل الجنوب انه يزيد ويعلا
السحر عود على الساحر وثار الفرد في راعيه
كانوا يقلون ان الارهاب الجنوب اصله وأبوه و جده
وان نسمة من ذعاذيع الجنوب أخطر من الهروين
وارتسم في كل ذهن ان الجنوبي قنبلة موقوته
يمكن انه في أي لحظة ينفجر والا يذبح ناس
لكن الأحداث برتنا براة الذيب من دم يوسف
واثبتت عكس افتراضات اهل الأفكار المضللة
اللي ما هو من الجنوب اسمه مع اصحاب الفيات الضلة
واخوتنا يا محتفل بالنصر يا منصاب يا شهيد
بلغ العالم وبلغ فهد بن بدالعزيز ونايف
لو ما نعشق مملكتنا ما صخينا دم رجالنا



قصيدة << سلفة البنك العقاري >>

رح وسلم على البنك العقاري ثلاث إمية سلام
و اعطهم كرت متسلسل ثلاثه و خمسين ألف رقما
يسمحونا وينتظرون وحنا لهم مالناظرين
عشت عمرٌ طويل أحرص من النمله أجمع قيمة أرضا
و الأراضي تقص الظهر و أسعارها ميات ألوف
ماهي معقوله أغنى دولة في محيط الشرق الأوسط
و المواطن يعيش أمشرد من مكان إلى مكان
و اليهود اللي أحنا نتهمهم بفقدان المشاعر
و فروا للمواطن مسكن و راتب و علم و علاج
يا هلي كان ما جاء قرضي إلا و أنا فاخر حياتي
أصرفوا من فلوس البنك و ابنوا بها دار أعجزة
وإن جاني الموت ما جتني الفلوس أحفروا قبري في أرضي
واقبروا فالجوار أحباب قلبي بعد عمر طويل
ثم إذا جت فلوس البنك شوفوا للأرضيه مقاول
زخرفوا كل قبر وخلها تصبح أجمل مقبرة


قصيدة << خط الجنوب >>

قــال ابـو متعب الله لا يسامحـك يـا خـط الجنــوب
كلهـا جـرعـه او ثنتيـن حتيــن يروون العطـاشــي
وانـت عطشـان ما تـروى على ما شربـت مـن الدمـا
يقـولـون ان نهـر النيـل فـي كـل عـام لـه ضحيـه
واضحـايـاك يـا نهـر الشقـا والعنـا عـدات الــوف
وامقـاتيلك اكثر من ضحـايـا الحـروب ومـا الكـوارث
اســرة تخطفهــا واســرة شملهــا يتبعثــــري
كـم غلام يقـول احرمتنـي مـن منـاي ومـن شبابــي
ويتيــم يقــل لك يـا طـريـق الجنـوب ايتمتنـــي
الدمـوع التـي فـي العيـن فجـرت منهـا مـا تحجــر
واسفكـت الـدمـا واحـرمـت الاكبــاد فـي لذاتـــه

قصيدة << تحرير جنوب لبنان >>

ما سمعتم بكذبة عام اللفين ما حي ظحك
قال قايل تراث جنوب لبنان من قيدة تحرر
قلت ما ظن يتحرر من القيد شي اسمة جنوب
الجنوب الذي يظلمة الانسان حتى عند نومة
ليش مدري ليا جا النوم كل يلقية اظهرة
ليش مدري شمال العالم أعز واغنى من جنوبة
والفلل والعماير ما يجي واجهتها الا شمال
صدق يا جنوب لبنان انك اصبحت حر ولا تصدق
اصبر اصبر وفضل الله واسع ونصر الله قريب
مادام ان احتفالي بك وبارضك يسمى عنصرية
يشهد الله ويشهد من بغى يشهد اني عنصرية
في رايي واحد يوقد لنا في ظلم الليل شمعة
خير من مئتين الف ادمي يسبون الظلم
يعني لو سرت في طابور الاقزام وانت طويل قامة
قالوا خارج عن القانون ولا تمرد على النظام
اما تنقص حتى مستوى الروس والا تنحني 0

قصيدة << جـــــــــده >>

ياهل جدة بعد تقلون غدار أعرفك يابحر
باقي ياجي لكم هزة قوية على مقياس رختر
باقي تشرق بماي البحر الاحمر حلوق الشاليهات
جدة فيها مية قارون لو شافهم قارون الأول
مد كفه يقول لله من فضلكم يا محسنين
طول شهر العسل ياجدة ولكل ما يبدا نهاية
يا عروس البحرياكم عريس بعد يلطم عروس
المدينة توالف عالجبل لاجل يعصمها من الما
وانتي كان الغرور أعماك حتى هجرتي هالجبال
جدة ما تستحق اعصار اشد واقوى من سونامي
لو تغامر بشاطيها الصغير غرق في شبر ما
لو تحرك ملايكة السما باجنحتها موج عاتي
تغرق أكبر مدينة يوم روح القدس يأذن لها

ـــــــــــــــــــــــــــــــ

قصيدة << زوج الام >>

مات ابونا وامنا قعد الدهر ما جالها خطاب
والواحد منا يشيل اكبر حجر ويطق راس الثاني
من هو المجنون يتزوج مره ذولا عيالها
ثم خذنا وقت لا حنا نفكر في الزواج ولا هي
لين جانا بو علي متلبسٍ مشلح وراكب خيل
بعضنا قال ارفضوه وبعدها سلم بالامر الواقع
لان من يقدر يرد الفاس لا منه وقع في الراس
واثر جدي كان مليونير تاجر واثر محدٍ داري
وامنا صارت وريثة ملك ابوها بعد بوها مات
واثر عمي بو علي ما صدق ارسل في علي واخوانه
كوش عالتركة وسما البيت كله بيت ابو علي
والله يا عم بو علي يا بعضنا انه ميتٍ من جوعه
يشحذ الكبريت من جاره ويتدين ريال بخوه
وانت واولادك بخير ونعمه اللهم لا حسد
ما دامك عايش على مال امنا واحنا نقل لك يا عم
يا تنادينا نجي ناكل معك يا طلق امنا

__________________

قصيدة << ارهاب >>

عفوا ياسيدي ياملك المال ما كان العشم
كنا في حاجـة العشـرة ملاييـن دولار الزهيـدة
ما كنـا ناقصيـن يحملونـا البشـر مـا لانطيـق
قلت انا بورة ارهاب وصدقت انما لو تسكت افضل
الشجاعـة الجنوبيـة حقيقـة يوكدهـا الـزمـان
بورة ارهاب لكن بورة اخلاق واخلاص ومبـادي
الا بورة لبذل الـروح والمـال بـورة تضحيـات
من ينسى كم شهيد كم جريح ومعاق وكم مضحـي
من ينسى عايض الشمراني اللي في الجـو أعتنـا
الدمـا مـا تروعنـا ولا نفقـد الوعـي بسببهـا
علمتنا الحوادث لعبة الموت فـي خـط الجنـوب
والفقر مـا يخوفنـا بتاتـا ولا يعنـي لنـا شـي
ما احنا مليارديرات ولنـا الفخـر مافينـا وزيـر
ميتين الف جندي جنوبي فـي الجيـش النظامـي
واكثر من أربعة مليون تحت الطلب جيش احتيـاط
ننتظر مـن طويـل العمـر كلمـة يوجهنـا بهـا

قصيدة <<الاستنساخ>>

صح يا نايم صباح الضمير العربي
ادري ازعجتك اعذرني ولكن ماذا وقت نوم
وانت في عامك العشرين من قرنك الخامس عشر
يعني بالضبط هذا عام الالفين من ميلاد عيسى
يعني ان كان ما قمت ابغى افهم متى ودك تقوم
يالصديق العزيز الظاهر اني نسيت انا عرب
نصف تاريخنا عنتر وعبله وابو زيد الهلالي
نصف تعليمنا زيد ضرب عمر عمر ضم زيد
لاقامت كل دوله تفتخر بعلماها وبعضماها
قلنا حنا ربوع الشيخ فلان والشاعر فلان
عشنا لا فيزياء لا كيمياء لا علوم ولا صناعة
عشنا لا هندسه لا طب لاعلم نفس ولا فلك
وحنا في عصر الاستنساخ وارقى جرحات المجاهر
ننسخ العار هذا مثل جده وهذا مثل ابوه
انا وياك من حرب التفاعيل لا حرب الحداثه
لكن الغرب من حرب العصابات الى حرب النجوم
ننقد الناس والله يدري بحالنا وش عندنا

ـــــــــــــــــــــــــــــــــــــــــ

قصيدة << الرقص>>

كل قلب يحب الرقص لاكن بعض الرقص عيـــب
ود بعض العرب يرقص وهو يبصر الطابور قبلــه
كنه ما يبصر الا صف ثروات وطوابير مـــــال
يا سعود الليالي دوره أقبل زمان الرقص دوبـــه
خل شوفك بعيد ولا تقل لي زمان الرقص بــــاح
رقص بعض الخلايق نقص واما نحن بالرقص نوفي
رقصنا يوم جا الباشه وحيدر يقاتل بالرقــــوش
رقصنا بالرصاص وبالسيوف البريعة والجنابـــي
رقصت الموت ماهي رقصت أهل الطرب والدندنــه

__________________

قصيدة << صدام في السجن >>

الله اعلم حي والى منت حي وينك انت ياصدام
ان قلنا ميت فهذا حس صوتك زلزل الفلوجة
وانقلنا حياً فلا عيناً تراك وكل حي يراى
لو يروح اعلوج امريكا كيف ترجع للحكم واتعاود
مامعك طارق عزيز ولا معك عزة ولا الصحاف
خل حزب البعث يبعثك ان قدر مسكين يبعث حاله
موتك احسن من حياتك ياخبل وايش انت حي له

ـــــــــــــــــــــــــــــــ

قصيدة << ابو الهول >>

قم قيامه لامتى بارك على ذالحال يابو الهول
تدري كم نغلا وكم بغلا تمرغ في تراب الجيزة
وانت بارك عالثرى لنته بهيم ولنته ادمي
اهل الوتس يظنون الحياه والموت في لوتسهم
واسما ماتمطر الا في رضى خفرع ومنقرع
وانا اقول ياجعلني معدم ذراعا تهدم آلهرامي
لا تقولون اترك آلهرام نتذكر بها فرعون
اللي يسمعكم يقول اليوم ينقصنا فراعنه

ــــــــــــــــــــــــــ

قصيدة << حملة التفتيش >>

حملة التفتيش لاقت عنـد جـدي بندقـه بلجيـك
قالوا سلم قال وأنـا ياهنـا حنـا رجـال البنـدق
نعرف عنها اسرار مـا يـدرون عنهـا صانعيهـا
قالوا منت بهين اخبرنا بحزب القاعـده وش كـاره
فيك صبغة مـن عناصرهـا وكنـك تنتمـي لهـا
قال ذولا ناس فيهم شخص اهم من البلـد والدولـه
خل كابل لو غدت مثـل الردمـاد وخـل قندهـار
بن لادن باقي بخير وباقـي المـلا عمـر بخيـر
قالوا حزب البعث وش تعرف عنه قال آه يا بغدادي
قبل رأس عدي ما يسقط بغى يفدي عـدي ميـات
قالوا استسلم وحط ايدك على راسك وسـر قدامـي
تهمتـك ياشايـب ارهابـي وصدامـي ولادنـي

استغفرالله العلي العظيم واتوب اليه