ليل الخبر





أرض الأحلام و أشجـار الأمانـي يبـاس
و إنـت ظالـم .. ولكنـي أحبـك كثيـر !

واضح إني خسرتك للأبـد و إنـت حـاس
خلك أقوى شـوي و إعتـرف بالمصيـر

رحت .. يوم إرتوت فيني عذوق الحماس !!

مثل من ياخذ اللقمـة مـن فـم الفقيـر

عندي إحساس وشوية رجاوي .. و يـاس
وما بغيت أزعجـك مـدام وقتـك قصيـر

قلت أبنسـاك يمكـن هالمسافـة تقـاس
بين ذاك الزمان اللي مضـى .. والأخيـر

صاحبي مارضيت أنساك مـن قـو بـاس
يوم أبنساك .. كنت أبغى يمـوت الضميـر

الغرابيل تلحقنـي وأنـا [بـدون نـاس]
عفت ناسي .. عشان أبقى بعينـك كبيـر

يوم كـان الوفـا تحـت الخديعـة يـداس
والغـرام آخـر حلـول الوسـط للعشيـر

كنت غالي وكان النـاس حولـك نحـاس
كنت صادق وكـان الكـل حولـي يغيـر

ليت الأيـام ثلجـه ذابـت بوسـط كـاس
كان عـودت مـع بـرد العلاقـة صغيـر

كنت أنا و إنت في ذيـك المحـلات مـاس
و إسرقتك الحياة الهاديـة وصـرت غيـر

بس كانك تبي فرقـى مثـل منـت حـاس
خل..[ليل الخبرٍ]..يذكـر همومـي بخيـر