سلام عليكم
أنا أعرف أنني سوف أجعلكم تملون من الشعر النبطي ولكن أسمحو لي أضع مالديه بين أيديكم وأمام أعينكم وسينتهي مافي جعبتي وأتوقف أتماتيكياً من الشحاحه:

دموعي على خدي وفي يدي المنديل=أنا اشكي الدموع ويشكي الخد منديلي
أقل لا تزيد الجرح خل الدموع تسيل=لعلَ وعسى من همي ارتاح في ليلي
معاناتي اتركها ترى مالها تبديل=ومادمت أنا راضي فيا دمعتي سيلي
يمر العمر ويموت جيلُ ويحيا جيل=وأنا ماهتنيت بجيل غيري ولا جيلي
تحملت في صدري مشاكل تهد الحيل=ولا ودي أبديها لاحد وأنقطع حيلي
إذا جيت بفرح مالحزن ماقدرت أطيل=يغيب الفرح عني والأحزان تبدي لي
أمور بحياتي ما بعد جاء لها تحليل=وأحس إن باقي شي قادم ويومي لي
إذا شفت رؤيا ما لقينا لها تأويل=ولو قلت با أووَل تجي عكس تأويلي
زمن يازمن ماكني إلا بعصر الفيل=عجزت أشتكي همي وأقل منك ياويلي
شبابي قضيته لارغدعيش لا تدليل=وكأس المراره مايفارق معا ميلي
في الليل أبات بهم وأصبح بهم أشيل=وباقي العمر والله مايحتمل شيلي
أحب الصراحه واكره الزيف والتظليل=ولا اسمع لهرج اللاش لو هو ينادي لي