قصيده عجبتني ومحتفظه فيها عندي فى الجهاز بس لاسسسسسسف مابعرف مين صااحبها ...
صح لساان قايلها وتسلم دياتي على النقل ^_^


جلست مع نفسي عقب "غلطة الطيـب"
أتلو عليهـا مـا تيسّـر مـن عتـاب
والبرد ينهـش بالضلـوع المحاديـب
سرّيـت فكـري تالـي الليـل حطّـاب
ما بين حسرة مخطي .. و نشوة مْصيب
ساكت .. وأقلّب بالدواعـي والأسبـاب
ويوم المزايـا .. شابهَـت للعذاريـب
تعبـت أدوّر نقطـه بغـبّـة كـتـاب!
كني وسَـط حبـس انفـرادٍ وتغريـب
للنور "ثقب" وللدجـى عشـرة أبـواب
صابر علـى نـار العنـا واللواهيـب
وكاس الصبر مـرٍ ولـو سكّـره ذاب
لكن مـن الدنيـا .. وكثـر التجاريـب
ومن لسعة العقرب .. ومن لدغة الداب
تعلمَـت نفسـي قبـل يطلـع الشيـب
إن الشقا لو شيّب العبد .. مـا شـاب
وإن الجمل لو تنكسـر ساقـه ايعيـب
ولو كان غالي .. ينحره كـف قصـاب
والحر لـو يكفـخ بـروس المراقيـب
وش خانته لا صار من غيـر مخـلاب
والذيـب لـولا فطنتـه ماهـو بذيـب
لا صار مـا نـاور وكشّـر بالأنيـاب
ومن لا يهيّب سيّـد القـوم مـا هيـب
وش عاد لو هابه بعض عكف الأشناب
ومـن لا يحسّـب للخلايـق مطاليـب
الخلق ما تحسـب لمطلوبـه حسـاب!
ومن لا يرد بحكمتـه صاحـب العيـب
ياقـف علـى بابـه ثمانيـن طــلاّب
مع نظرتـي وقـتٍ بـدا فيـه تقليـب
آمنت في حكـم الولـي رب الأرباب
والآدمي لوكـان يـدري عـن الغيـب
ما غمّضـت عينـه ولا مرقـده طـاب

ووورد