البدع

يقــــــول جــــــارالله يا وجــــه القمر وابتسامه

مـــــع سهـيــــل اليمـــــاني زاد نورك وبهواك

لا اشرف زحل واشرف المريخ واشرف عطارد

مالـــــي وماللنــجــوم اعرف كما الزهر ميات

لاطـلــعت الشـمــس يا مسكــــين فــاحسن تفيه

حـــــبيب قلــبي نــــويت اقـــــدره مـن عيوني

راعــــي حجـــابٌ كــــما ريش النعام المظاليل

والصـــدر زهــرٌ وغطـــت عــالنهود الجدايل

والعمـــــر عـــودٌ قنــا واحسن من الموز رافه

والثغـــــر مثــــل البـــرد وعــيون عوام عالما

وقــــــايد الصــــيد مالعـــــدوان يحميـــــه ربه

اصـــــبر عــلــى حكم ربي ياعلي ياابن فرحه

في الارض يبدي الشجر والزرع والناس نعمه

مابغـــي اللّحُف وانت عزّلت اللحُف يبل حافي

خــذتوه شـغـله وطـــرفـــي مــــايلٌ لامــحــّلـه



الرد

يا صـــيد عيســـان فــي وسط الكبد هبت سامه

والقلب مشـــغول فــي قبضك وبسطك وبهواك

ماارخصــت روحك مـع القناص واللي يطارد

محَسّـــن رقــــاب الضباء والعين تقتل برميات

لاشــفت وجـهــك عـــملت الخير واحسنت فيه

ياســــيّدي فــــي انتظــارك والحرس منعيوني

أبات ســهــران واهــــوجس معك لامضى ليل

يـــــــوم اتلهمـــــك يطـلـــع فــي فوادي جدايل

من حــــبه الله ســــــوى لــه رســــــومٌ زرافه

شــــفت الاشــــاره بنظـــرة عين ماخذت علما

تـــــوقف المــــوتر اللــــي ســـــايقه مــاهرٌ به

واللــــي يشـــــوف القمر جاله في القلب فرحه

والله لـــــولا المــــزا لاصـــيح وادعيه باسمه

لـــــو قـــــال حـــط الكنـادر سرت ويليه حافي

قــلـــبي معــــك يا قمــــر والعـــهد باقي محله

السحاب البعيد