مع نسمة الفجر النديه تغنيت =ودارت بيوت الشعر طربا تنادي
ولوحت باليمنى وبالساع لبيت = انتي هوى بال المعنى وزادي
ما خاب ظني فيك يومي تهقويت = وانا معك بالحيل زايد عنادي
لو اني اضحك عندهم ما تماديت = امزح وحدي ما وصله العبادي
امزح وادري دمعتي يوم هليت = مابي لحزني يفرحون الاعادي
احزاني اخفيها وانا اللي تقهويت = فنجالها من غبن هم ونكادي
مع وقتي امشي لين بالفعل خليت = حزني يموت بصيف والاّ برادي
اضحك واجامل واخذ اللي تمنيت = ولا أبيع قلب ولا عرض بالمزادي
ومن لا يصف لجيتي ما توحيت = ومحسب حساب اللي حلم بالمهادي
ولو هزني نسناس من يمه اغضيت = اخاف روحي غصب مني تقادي
نفسي عزيزه للعزيزين مديت = حبل العسيب بكل ديره اووادي
وان هبت النسمه لها غصب حنيت = لا قاطعه حدّن ولا لي مرادي
وأقول ليت الهم وانا اللي بليت = لا زاد همي قلت يا قلب عادي
أصبر ولا تشكي من الهم لمسيت = لا تكسر المجداف وارخ الزنادي