السلام عليكم ورحمة الله وبركاته
مساء وصباح الشعر والشعراء ، كتبت في قسم الترحيب ماكنت سأكتبه هنا
ولكن معي كلمتين مدري عنها تجمل والا من جنبها ، أقبلوها بحصلها والا
اقروها ساكتين ولامن شاف ولا من دري أحذفوها ، والله ماعد اجمّع حرفين
ولكن يعلم الله إني أشتقت لكم جميعا" ، أسأل الله أن تكونوا بأحسن حال ..
وأسمعوا وش يقول : وإن كان شي مقلقل تروني باموت من الجوع الله يسعدك
يابرطمان وأنا فدا براطمك ..

** البدع ** الزيادي **=
**
الزيادي قال : جيت ولا أقدر ألُفّ القدم ودّار=
والله إنّا ماقفلنا سدّة المعروف وشمعناها=
الخيول اللي تثير النقع في تقديركم رباع=
العذر مالله ومنكم غيّبتني روحيَ الملجوده=
مالي الا الصبر .. وإنّ الله جزاه الشكر والحمود=
والا فإنّا كل أبونا أولاد عم فالمنتدى وإنّا أخوه=
اللي عُدّوا من شظايا نيس .. واللي من ربا عدّين=
الفرس غنّيت في قدره ( سرا الليلي سرا ) ياموته=
والجمل ماعاد يهدر بعد ماقلنا له إخ برك=
قاصر الخطوه بليّا قيد .. شي تعبه وشي خوديره=
كل ماأزيده بتخديره وبنج أعبى نقولها=
**
** الرد ** الزيادي **=
**
ياسلامي يارباع الصعب .. ياحيّ الأسم والدار=
يوم كلُ قال : كلمة ( صعب ) في ذا الأسم وش معناها؟=
قلت : يعني صعب مابين الدير تلقى كما رباع=
قلت : يعني صعب تلقى مثل قسوة روسهم والجوده=
قلت : يعني صعب تلقى شيخ ومنصّب كما حمود=
الوفاء والمقدريّه والشهامه والكرم والنخوه=
والشرف والعزّ في دولة رباع .. وفي رباع الدِّين=
إنّ أبو عادل كما بن حارثه قايد سرايا مؤته=
جتني أخباره وبعض الناس ينشدني من أخبرك=
وأنا في كل الديار أمدح رباع الصعب شيخ وديره=
ماهو ماهلاّ لبو مشعل وإبن جُعبان أقولها=
***