اسهرت ليلي هواجس لين وقت الصباح=وارويت جفني دموع وشب جوفي ضماك
واردد اسمك واشوفك كلما البدر لاح=حتى النجوم الزواهي شفتها في بهاك
وادميت صدر الليالي من طعون الرماح=تنزف وكم ترتجي نور الامل من سماك
وابليت عمري بدنيا الشوق والسد باح=اعاتبك وانت غايب واتمنى رضاك
واكتبك واقراك قي سطر العنى والجراح=الحبر من دمّ قلبي والمعاني جفاك
واهيم في ذكرياتك وارتجي للسماح=واحاول امسح جروحي من بقايا دواك
والحب جاء لك دخيل وبين الاحضان طاح=مشاعري والخوافق كلها في رجاك
واناجي الشوق حتى خافت الصوت صاح=ولا رجع من بقايا صوتي الا صداك
والى غدا للهواجس في ضميري مراح=نبّيت طاري غرامك يسعد الله نباك
ياحيف لو ينتهي نبع الغرام القراح=تموت ياقلب ضامي في هوى اللي رواك
ما سدّ نبع الغرام الا الضروف القباح=يوم انت يازين في دنياك والله رعاك
ملكت قلبي وبعدك عاف كل الملاح=مادمت نبضه وحسّه مالقلبي سواك