انـفـصـامي مــعــرفي يـامـسـتـشـاره

في صـمـيـمي صـارفـيـني مستشاري

انــظــريـنـي من انــايــه واعـتــبــاره

وافـهـمـيـهـا الآن واخـذي باعـتباري

كـل نــار ايـشــبــهــا قــدحــة شـراره

لا تــحــديــنـي عـلى قــدحــة شـراري

كان سمـتــيــنـي عـلى بـالـك تــجــاره

ياتـرى شـوق احـمـدي والـلا تـجـاري

طــبــعـي الـسـامي فـؤادي صـار داره

والـسـلـوم ابــنــوكـهـا من مـثـل داري

وارث الــعـــزًه ولـي فــيــهــا مــنــاره

والخـطى تـدلـف على حــظــوة منـاري

مـاتــجــاري فــهــلـوة ظــرف واشـاره

في مــزايــد فــهــلــوة بـايــع وشــاري

حـيـن يـصـبـح لـلــعــواطــف والاثــاره

زيـف يـعــضــدهـا عـلى انًـه حـضـاري

والـسـمـوم الـمــعـــنــويــه بـانـتـشـاره

بـيـن جـاهـل وامـتـجـاهـل والـخــكـاري

والـخـساره لـلـمــقــايــض بـالـخــساره

كـنً مــافـــيـــنــا عـن الــحـــالات داري

والـعـــقــول الـهـا مــزابــيــن وسـتـاره

للـهــجــيــن الـلـي على بــلــواه ظــاري

والـلـه اعـلـم عـلًـنـا نـلــقى اسـتـخــاره

دام مافــيـنـا احـتـسـاب ال هـالـشـواري