اسعد الله اوقاتكم بكل خير
الكل على عيني وراسي بس هذا طرح للفكاهه
وامانه محد يز عل واللي يزعل يستنى اراضيه هه هه

لماذا ابوغتره وعقال مو رهومنسي؟؟
اوابو كرفته كل الرومانسية فيه؟؟

صباحا
بوكرفته يجلس من النوم يشوف فطورة احلى فطور جاهز وجنبها وردة
زوجته : صباح الخير ياوجه الخير كيف نومتك حبيبي؟
وتوصله للباب وتعطره وتعطيه قبله على جبينه
واذا تشتغل تودعه : بفقدك ٨ ساعات ياقلبي وتحط رسالة بكلام رومنسي 

بوغتره وعقال يجلس من النوم وام الشباب نايمة واذا جالسه تخلي نفسها نايمة
واذا تشتغل تلبس وتطلع
ولو بالغلط يوم كانت سهرانة وسوت فطور سندويشه وتمن عليك شهر فيها 

بعد الظهر
من ٩ وهي تسوي المحاشي والتبوله والسلطات وتتروش وتلبس احلى لبس
بوكرفته يرجع من الدوام تستقبله متعطره مجهزة له البانيو يتروش واحلى غداء وياخذون غيلولة

بوغتره وعقال يرجع من الدوام وام الشباب مازالت نايمة وحريصة بصراحة لانها ترسل رسالة جيب غداء معاك
واذا جالسة وتكرمت وسوت غداء طبعا مطلعة الدجاجة من امس عشان ماتقطع نومتها وكبسه نص ساعه وكل شي خالص ويبي لها ترتاح لانها تعبت
وقبل يوصل وراسه منتفخ من العمل تدق عليه تعال شف بزرانك ووووووو << ماوده يجي البيت
واذا وصل قالت له : روح جيب هالاغراض من البقالة<< طيب توك مكلمتني تشتكين من العيال كان قلتي لي اوووووم النكد
تجاوب بكل برائة وهدوء شسوي نسيت 

بوكرفتة يجلس المغرب والكوفي والحلى جاهز 
بوغتره وعقال يجلس هذا اذا نام لأن ام الشباب مخليه العيال داخلين طالعين وانواع الصراخ المهم انه يشوف انواع النكد بجميع المذاقات وهنا يدور الشردة للاستراحة <<< ويقولون ليه تروحون من زين الجلسة يعني

الليل
بوكرفتة يجي يشوف احلى عشاء وعطور وشموع وتسأله كيف يومك ياعسل وكيف اصحابك ويتعشون وتسوي له احلى مساج وويناموووون

بوغتره وعقال يرجع وين كنت طول الوقت ووين ووين ووين وليه ووووو
وينام وراسه مفجور والهم كاتم قلبه

لو بوغتره وعقال تزوج من حريم بوكرفته =
بتطلع انواع الرومنسية والدلال لأ بيشوف وجه حسن وابتسامة ويفديها بروحة.

لو بوكرفته تزوج من حريم بوغتره وعقال =
طلاق او انتحار
اصلا من يشوف الركب السود بيهج قالو ايش من السجود ياعمي اي سجووود القران الكريم يقول (سيماهم في وجوههم من أثر السجود) << ماسمعنا بن كثير قال المقصود فيها الركب الا من قل العناية والكريمات الي تمر عليها
منقول هه هه