هذي القصيده تشرفت بالقاءها في ملتقى زهران الأول بالمنطقه الشرقيه
أتمنى تحوز على الحد الأدنى من القبول
أنا صدري بحر .. والقلب مركب .. والغلا ربان=ورياح الشوق هبًت من وريدي لين شرياني
لو أمواج العتب في وسط صدري سبًبت فيضان=يكسًر موجها كف الضمير وصوت وجداني
لوجه الشعر .. صوره نرجسيه غطت الجدران=رسمها الفكر .. وأنهالت عليها كل جدراني
هلا باللي على راس الشعر حطيتهم تيجان=مادام الشعر فيكم حرف شعري ليه يعصاني
قبيله لو يميل الكون تعدل كفًة الميزان=وإذا جيت أختصرها في قصيده يعجز لساني
سكتنا وأستحينا والحياء شعبه من الإيمان=وقلنا يمكن التاريخ يعرف نصفه الثاني
ولكن ما يصح الا الصحيح إنْ دارت الأزمان=وصار الوقت فيه العدل والتاريخ حقاني
قلو زهران : لحظه ليش خايف يا صفا عجلان ؟=ترى ضيقاتنا كانت على حيدر وعبشاني
قلو زهران : شوفو كيف تفرح ساحة الميدان=حوافر خيلهم صارت (وسام) لكل ميداني
قبيله طفلهم يتجرًع الترحيب بالضيفان=ومن قلب التطور والحضاره جبت برهاني
كتبنا في محرك بحث قوقل (طفل من زهران)=وكان الرد .. عفواً.. ما لقينا طفل زهراني
هطل مزن السحابه والعتب مرفوع يا عثمان=وعسى ضيقات صدر الكون تفدى راس سلطاني
تجمعنا على بيض القلوب وطاعة الرحمن=ومعْكم يرتفع شان القصيد .. ويرتفع شاني
إذا صار الفخر كنه رساله.. فأنتم العنوان=وإذا شعري طلع يرثى لحاله .. فأنتم أخواني
وقبل ترحل عصافير القصيد وتذبل الأغصان=وبعيداً عن ورق شرهات يتساقط من أغصاني
تبي تعرف وش أفضل وصْف يوصف كلمة الخسران؟=تخيًل لو مجرًد لحظه .. أنك مأنت زهراني