كنت احسبه زي باقي الناس با الطله=عيون واخدود واهدابٍ لها فيه
ويمكن ان الحلا بالشعر لا فله=والاعشان الحلا في شفته ريه
والا من الحسن ها المخلوق خذ جله=والا بديل القمر شكه وفي ضيه
ويوم شفته وقفت او قلت لا للــــه=ماهو بشر زينا ما فيه احد زيه
اوصاف غير البشر كله على كله=شكله ولونه وحتى لمسة ايديه
الذوق ملكه وحسن الكون محتله=الا حظر كل باقي الناس منسيه
قربه دوا الروح وايده تشفي العله=تاج الغلا تاج راسي والحلا غيه
طبع الوفا فيه والاخلاص له مله = في طبعه الصدق والاخلاق به حيِه
ما اظن بالحسن حد بالناس يوصل له=له كبرياء الملوك او صافي النيه
لولا ان باقي من احساسي معي قله=لاقول انا بالجنان او ذيك حوريه