قبل اللقاء كان الموادع بدايات=حتى ابتسامتى ترافق دموعي
حكايتي من ضمن باقي الحكايات=قلبي تعلق في حسين الطبوعي
لكن مابيني وبينه مسافات=كانت سبب تعذيب قلبي ولوعي
كان القمر يضوي ليالي ظليمات=والنور له في كل ركنً سطوعي
كن المحبه (حلم) محدود باوقات=تمضي السنه ماكنها الا سبوعي
بين الحلى والمر بسمات واهاااات=اضحك وهمي يختبي في ضلوعي
ارقى الجبال العاليات المنيفات=والشوك صعّب خطوتي في طلوعي
اخذ من الدنيا حكم واقتباسات=والصبر ميزه فاضله من طبوعي
احاول انسى فالزمن كل مافات=وقت الألم يصعب علي الرجوعي
اعيش يومي حلم وانسى المعاناة=والحب ينسيني ضمايه وجوعي