=ولدت ساطي ومتغطرس وأحب الخصام ... ولا أعترف في إدارة طبع والا مدير
=أوجدت نفسي من اللاشي والانعـــــــدام ... نبذت فالمجتمع لاني صريح وفقير
=ماكان تفكيري الا كيف أخطف السنــام ... والحمد لله خطفت اليوم كل البعير
=إن لم يكن مركزي بالصف الاول أمام ... ماعاد تفرق معي لو كنت قبل الاخير
=الله أكبــــــــر ولله البقاء واــــــــــلداوم ... وهو الاله الاحدوهو السميع البصير
=أخذت من مدرسة أحمــــد عليه السلام ... مالاخذيته من مخاوى وزير وامير
=وأخذت من تجربة عبدالعـــزيز الامام ... وش يصنع العلم لاخاواه سيف شطير
=واخذت من فلسفة هتلرعــدم اللالتزام ... وكسبت نفسي وريحت القلق والضمير
=وابشرك حالتي دايــــــــم على مايرام ... من ركعتين الفجر الين بعد الاخير
=صحيح عندي تحفظ على بعض الانام ... مثل معمر وابو مازن وتوني بلير
=لكن انا مااحب اقلل الاحتــــــــــــرام ... واذهب ضحية طموح الغرب وانا صغير
=قومية المسلمين اللي عليها الـــــكلام ... راحت معا خالد وعمرو وعلي والزبير
=الله ولا ذل والتخوين والانهــــــــزام ... ياعابدين العروش الوضع جدا خطير
=يابو خلف كيف حالك عل حالك تمام ... انسى القصيدة وهات علوم اخوي الكبير
=شيخ عرفته وتقريبا لي اربع اعوام ... يومني اجيه لا جاير ولا مستجير
=يشوقني له نشوق الوسم عقب الحيام ... في صفرة جوها ماهو بفية هدير
=الشيخ ابو خالد محمد عـــــداه الملام ... اللي يصير من الاصرارمالايصير
=حد الثماله اعزه لاعلي الحـــــــــرام ... اني احبه وحبٍ لودرابه يطير
=يطيرمثل الوحش لاضف ريشه وحام ... وحول على الذايره بالجو مثل المغير
=ان الملوك اذا اعطوك حب وغـــرام ... خلوك من سائر الخدام يعني خفير
=الا انت ياراعي التقدير والاهتمــــام ... ياللي رحمت الصغير وشلت هم الكسير
=اذا البلاط الامير والكنب والرخـــام ... له شاعر يدهله في صبح والا عصير
=فانادهلت الثرياوالقمر والغمــــــــام ... وحولت اداهم طرف مشلحك مالي خشير
=كفرت بالناقصه والغدر والانتقــــام ... وامنت باانك حزامي بالنهار العسير
=من لايقدر ثباتك مع عكاك الزحـام ... ماهوبوالله مقدر ويش معاني جرير
=ياراس عيطا يمسك البدء قبل الختام ... يالنادر اللي على صيد المكارم شهير
=يالمهدي المنتظر بالحاجتين الجسام ... المدة المسكته والاخذ بيد الضرير
=ياسيدي ودي افهق لك ضلوع العظام ...واعطيك شي بصدري وانت رجل خبير
=اناتراني اعاني نوب من انفصــــام ... يوثرعلى البرمجة في راسي المستدير
=واصيراحس اني البارود والا الحسام ... في ساحة الشعر من تبوك لاقصى عسير
=ممايسبب لبعض اعدائي الاحتـــدام ... اللي يحسبون قرض الشعر مثل الشعير
=والشعر وان كانه المقصودباول مقام ... فالله يرحم ابو الطيب ويرحم زهير
=روح التنافس وحب الشيخ والانضمام ... ماهي بتعني لدى الكثرة نهاية مصير
=والشاعر اللي معه عزوة خوال وعمام ... تفداه وايل وترقب مستعدة مطير
=والله فلا ينقهروالا يضيق ويضــــام ... لاجاء اللززوالملاقى والقبس والنذير
=وجمع الدراهم ماهي باكبر طموح الغلام ... اللي جمع من قلوب الناس شي كثير
=من حبني رغم تفويتي له الانخــــدام ... واللي كرهني فهذا شخص ملعون صير
=دام المعارك صغيره ماعلينا لـــــزام ... ينوب عن سيفي البتار اصغرجفير
=قرات فيماقراته من بلوغ المــــــرام ... اللي ترك شي لله عاضه الله بخير