المـــر يــاصاحبي

المر يا صاحبي يفـرق عـن الحالـي

(والنار ما تحرق إلا رجـل واطيهـا)

الناس ما همها جرحـي ولا حالـي

اليـوم كـلٍ يبـي نفسـه يبديهـا

الوقت الأول تغير حيل يـا الغالـي

ما عاد به ربـع تشيلـك بياديهـا

ما كل شخصٍ ضحك لي ياخذ أقوالي

وما كل هرجه أبسمعهـا أبحكيهـا

واللي حكابي وصار بصـف عذالـي

أسامحـه كيـف لكنـي أعديـهـا

الصبر طيب وعندي هالمثـل عالـي

من راقب الناس مات وليه اسويهـا

الله يرضـى عليكـم ريحـوا بالـي

الكلمة اللي تهين النفـس مـا بيهـا

دام المراجل تغيـب بوقتنـا التالـي

وش ينبغي في حيـاة شـان تاليه